ફફડાટ / વાપી લગ્ન પ્રંસગમાં કોરોના વિસ્ફોટ, 122માંથી 16 પોઝિટિવ, બીજાની તપાસ ચાલુ

• વાપીના 2 ઉદ્યોગપતિ પરિવારનો ગોવામાં હતો લગ્ન પ્રસંગ
• વાપી સહિત વલસાડ જિલ્લામાંથી 122 લોકો લગ્નમાં ગોવા ગયા હતા
• વલસાડ આરોગ્ય વિભાગની તપાસમાં 16 જાનૈયાઓ કોરોના પોઝિટિવ

ગોવામાં લગ્ન પ્રસંગ માં હાજરી આપી પરત આવેલા અનેક જાનૈયાઓ કોરોના સંક્રમિત થતાં ચકચાર મચી ગઈ છે. વલસાડ જિલ્લામાં 16 કોરોના પોઝિટિવ કેસ બહાર આવતા ફફડાટ ફેલાઈ ગયો છે. મોટા ભાગના એકજ કુંટુબના હોવાથી લોકોમાં વધુ ડર વ્યાપી રહ્યો છે. 

વાપીના 2 ઉધોગપતિ પરિવારે ગોવામાં લગ્નપ્રસંગ રાખ્યો હતો જેમાં વાપી સહિત વલસાડ જિલ્લામાંથી 122 લોકો લગ્નમાં ગોવા ગયા હતા. લગ્ન પ્રસંગમાંથી પરત આવતા અનેક જાનૈયાઓ કોરોના સંક્રમિત હોવાનું બહાર આવ્યું છે. 

જાનૈયાઓની તપાસમાં ઘટસ્ફોટ

વલસાડ આરોગ્ય વિભાગની તપાસ માં 16 જાનૈયાઓ કોરોના પોઝિટિવ આવ્યા છે. કોરોના પોઝિટિવમાંથી મોટા ભાગના જે પરિવારોમાં લગ્ન હતો તે પરિવારો નાજ સભ્યો છે. આમ વાપીના ઉધોગપતિ પરિવારોનો ગોવાનો લગ્ન પ્રસંગ ખુશીઓની સાથે સાથે કોરોના સંક્રમણ વહેંચણીનો પ્રસંગ પણ બની રહ્યો હતો. હાલ તો આરોગ્ય વિભાગ દોડતું થઈ ગયુ છે અને  જરૂરી કાર્યવાહી હાથ ધરી છે. 

ગુજરાતમાં કોરોનાનો હાહાકાર

છેલ્લા 24 કલાકમાં 1565 નવા દર્દી જ્યારે 969 દર્દીઓ સાજા થયાં છે. જ્યારે 6 દર્દીઓના સારવાર દરમિયાન મોત થયા છે.

સુરત અને અમદાવાદમાં કોરોનાનો હાહાકાર

સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. સુરત શહેરમાં 381 કેસ અને ગ્રામ્યમાં 103 નવા કેસ નોંધાયા છે. જ્યારે અમદાવાદ શહેરમાં 401 નવા કેસ, જ્યારે અમદાવાદ ગ્રામ્યમાં 5 કેસ નોંધાયા છે. વડોદરા શહેરમાં 132 કેસ, જ્યારે ગ્રામ્યમાં 19 કેસ નોંધાયા. રાજકોટ શહેરમાં 121 કેસ અને ગ્રામ્યમાં 31 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...