એલર્ટ / અમદાવાદના ઈસ્કોન અકસ્માત બાદ વડોદરાનું તંત્ર થયું દોડતું, શહેરના એકસાથે 10 બ્રિજો પર લગાવાશે CCTV

• વડોદરા મ્યુનિ. કમિશ્નરહનો મહત્વનો નિર્ણય
• શહેરનાં 10 ફ્લાયઓવર બ્રિજ પર લગાવાશે CCTV
• પ્રથમ તબક્કામાં 75 થી વધુ CCTV લગાવાશે

 અમદાવાદનાં ઈસ્કોન બ્રિજ અકસ્માતમાં 9 લોકોનાં મોત બાદ વડોદરા મહાનગર પાલિકા હરતકમાં આવી છે. મ્યુનિસપલ કમિશ્નર દ્વારા વડોદરા શહેરનાં 10 ફ્લાયઓવર બ્રિજ પર CCTV  લગાવવાનો મહત્વનો નિર્ણય લીધો છે. સૌ પ્રથમ શહેરનાં 10 બ્રિજ પર CCTV લગાવાશે.  શહેરનાં 10 બ્રિજ પર પોલ લગાવવાની કામગીરી શરૂ કરી દેવામાં આવી છે. તેમજ દરેક પોલ પર 4 સીસીટીવી લગાવવામાં આવશે. પ્રથમ તબક્કામાં 75 થી વધુ કેમેરા ફ્લાયઓવર બ્રિજ પર લગાવાશે.

સીસીટીવી કેમેરા લગાવવાથી ગુનાહિત પ્રવૃતિઓ અટકાવી શકાશેઃ મ્યુનિ. કમિશ્નર
આ બાબતે વડોદરા મ્યુનિ. કમિશ્નર દિલીપ રાણાએ જણાવ્યું હતું કે, આ પ્રોજેક્ટ શહેરીજનોની સુરક્ષાની દ્રષ્ટિએ મહત્વનો પ્રોજેક્ટ છે. 10 ફ્લાય ઓવર પર 75 થી વધુ કેમેરા મુકાશે. સીસીટીવી કેમેરા લગાવવાથી ગુનાહિત પ્રવૃતિઓ અટકાવી શકાશે. તેમજ થયેલ ગુનાહિત પ્રવૃતિઓને ડામવા માટે સીસીટીવી ફૂટેજ મહત્વનાં બની શકે છે. 

નદીને પ્રદૂષિત કરતા લોકો સીસીટીવીમાં કેદ થયા
વડોદરા શહેરમાં આવેલા ત્રણ બ્રિજ પરથી કેટલાક લોકો નદીમાં કચરો નાંખતા સીસીટીવી કેમેરામાં કેદ થયા હતા. જેઓને વાહન નંબરનાં આધારે પકડી પાડી રૂા. 25000 થી વધુનો દંડ ફટકાર્યો હતો.