- ઓમિક્રોનનાં ખતરા વચ્ચે ડો.વિકે પોલનું સૂચક નિવેદન
- સંક્રમણ ઓછું થયું પણ ખતરો નહીં
- સક્ષમ વેક્સિન જરૂરી છે
કોરોના વાયરસના નવા સ્વરૂપ ઓમિક્રોનનાં કારણે દેશ અને દુનિયામાં ચિંતા વધી રહી છે. ભારતમાં ઓમિક્રોનનાં કારણે કોવિડ-19 થી સંક્રમિત લોકોની સંખ્યા 60 થી પણ ઉપર પહોંચી ગઈ છે.
ઓમીક્રોન મુદ્દે આ તમામ ચિંતાઓ અને અટકળો વચ્ચે કોવિડ પેનલનાં પ્રમુખ ડો.વી.કે.પૉલ દ્વારા મંગળવારે એક સ્પષ્ટ ચેતવણી આપવામાં આવી હતી. તેમણે જણાવ્યું હતું કે નવા વેરિયન્ટની સામે વેક્સિન અપ્રભાવી હોય શકે છે. તેમણે કહ્યું હતું કે ભારત પાસે વેક્સિનનું એવું પ્લેટફોર્મ પણ હોવું જોઈએ કે જે વાયસના બદલતા સ્વરૂપની સાથે સાથે ત્વરિત અનુકૂલન સાધી શકે.
સંક્રમણ ઓછું થયું પણ ખતરો નહીં
ઉદ્યોગ સંગઠન સીઆઇઆઇ દ્વારા આયોજિત એક કાર્યક્રમમાં સંબોધન કરતાં એક કાર્યક્રમ દરમિયાન તેમણે કહ્યું હતું કે આશા છે કે ભારતમાં કોવિડ-19 સંક્રમણ, ધીમે ધીમે ઓછી થઈ રહ્યું છે. અમુક વિસ્તારોમાં મધ્યમ અને ઓછા સ્તરે સંક્રમણ ફેલાઈ રહ્યું છે.
કંઇ પણ થઈ શકે છે
તેમણે કહ્યું હતું કે સંભવિત રીતે આવનાર સમયમાં આપની વેક્સિન્સ અસરકારક ન પણ રહે. ઓમીક્રોન સામે આવતા જ છેલ્લા ત્રણ અઠવાડિયામાં આપણે જોયું કે કઈ રીતે અને કેટલા કેટલા પ્રશ્નો અને શંકાઓ સામે આવ્યા છે. જ્યારે વાસ્તવમાં કંઇ પણ થઈ શકે છે. હજુ પણ અંતિમ તસવીર સામે આવી નથી.
સક્ષમ વેક્સિન હોય તે જરૂરી
નીતિ આયોગનાં સદસ્ય એવા પોલ કહ્યું હતું કે આપણા માટે એ સુનિશ્ચિત કરવું જરૂરી છે કે આપણને તાત્કાલિક અનુકૂલન સાધી શકે તેવી રસી આપણી પાસે હોય. આપણે આપણી જાતને એ માટે તૈયાર રાખવી જોઈએ. બદલાતી પરિસ્થિતિ અનુસાર આપણે વેક્સિનમાં ફેરફાર પણ કરી શકીએ. પરંતુ આ દર ત્રણ મહિને કરવું શક્ય નથી. હા આ વસ્તુ દર વર્ષે કરી શકાય એવું શક્ય છે.
