- મલાઇ ત્વચાને ચમકદાર અને સુંદર બનાવે છે
- મલાઇની સાથે હળદરને મિક્સને લગાવાથી ચહેરા પરના ડાઘ દૂર થાય છે
- ચહેરા પર ફોડલીની સમસ્યા હોય તો મલાઇમાં ચંદન પાવડર મિક્સ કરની ફેસ પર લગાવો
Malai For Flawless Skin:ગરમીઓના સિઝનમાં પણ જો તમારે ખીલેલું રહેવું હોય તો કોસ્મેટિક પ્રોડક્ટ્સથી દૂર રહો. કારણ કે ઘરેલું ઉપાયના ઉપયોગથી તમારી ત્વચા કાચ જેવી ચમકદાર બની શકે છે. આ માટે તમારે ચહેરા પર મલાઇનો ઉપયોગ કરવો પડશે.મલાઇ નેચચરલ રીતે ત્વચાને પોષણ આપે છે અને ત્વચાને એક્સ્ફોલિયેટ કરે છે. આનાથી ટેનિંગની સમસ્યા પણ દૂર થાય છે.ત્વચા પણ મુલાયમ બને છે. આ માટે મલાઇમાં બીજી ઘણી વસ્તુઓ મિક્સ કરવાથી ફાયદો થાય છે.આવો જાણીએ ત્વચાને ચમકદાર બનાવવા માટે શું મિક્સ કરીને લગાવવું જોઈએ.
1. મલાઇઅને હળદરઃ ચહેરાને ચમકદાર બનાવવા માટે હળદર હંમેશા અસરકારક રહી છે, પરંતુ હવે તમે તેને વધુ અસરકારક બનાવવા માટે મલાઇ લગાવીને તેનો ઉપયોગ કરી શકો છો. બે ચમચી મલાઈમાં બે ચપટી હળદર મિક્સ કરીને પેસ્ટ બનાવો. હવે આ પેસ્ટને ચહેરા પર 15 થી 20 મિનિટ સુધી લગાવી રાખો. ત્યાર બાદ નોર્મલ પાણીથી ચહેરો ધોઈ લો. આ મિશ્રણને લગાવવાથી ચહેરા પરના ડાઘ દૂર થાય છે અને ત્વચા પણ તેનાથી સુરક્ષિત રહે છે.
2. મલાઇ અને ચંદનઃ ત્વચાને ચમકદાર બનાવવા માટે મલાઇ અને ચંદન પાવડરની પેસ્ટનો પણ ઉપયોગ કરી શકાય છે. ચંદન પાવડર અને મલાઇ ત્વચાને પોષણ આપવાની સાથે ત્વચામાં કુદરતી ચમક લાવે છે. ચંદન પાવડર ત્વચાને ઠંડક આપે છે. ડાર્ક સર્કલ, બળતરા અને ફોલ્લીઓથી છુટકારો મળે છે. તેનો ઉપયોગ કરવા માટે, એક ચમચી ચંદનના પાવડરમાં એક ચમચી મલાઇ મિક્સ કરો અને મિશ્રણ તૈયાર કરો. હવે આ મિશ્રણને ત્વચા પર 20 મિનિટ સુધી રાખો. ત્યાર બાદ સામાન્ય પાણીથી ચહેરો ધોઈ લો.
3. મલાઈ અને ચણાનો લોટઃ મલાઈમાં ચણાનો લોટ મિક્સ કરીને લગાવવાથી પણ ત્વચાને ઘણા ફાયદા થાય છે. આ માટે એક ચમચી ચણાના લોટમાં એક ચમચી મલાઇ મિક્સ કરીને મિશ્રણ તૈયાર કરો. હવે આ મિશ્રણને ચહેરા પર 15 મિનિટ સુધી રાખો. ત્યાર બાદ સામાન્ય પાણીથી ચહેરો ધોઈ લો. તે ત્વચામાંથી વધારાનું તેલ દૂર કરે છે અને ત્વચાને ચમકદાર બનાવે છે. ડેડ સ્કિન સેલ્સને પણ સરળતાથી દૂર કરે છે.
4. મલાઇ અને મધઃ મધમાં હાજર એન્ટીબેક્ટેરિયલ ગુણ પિમ્પલ્સને દૂર કરીને ત્વચાને સાફ કરવાનું કામ કરે છે. તેનો ઉપયોગ કરવા માટે એક ચમચી મલાઈમાં એક ચમચી મધ મિક્સ કરો અને ત્વચા પર હળવા હાથે મસાજ કરો. 20 મિનિટ પછી ત્વચાને ધોઈ લો. આ રીતે મલાઇ લગાવવાથી ત્વચા ચમકદાર અને મુલાયમ બને છે. શુષ્કતાની સમસ્યા પણ દૂર થાય છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
