- ભારત અને સાઉથ આફ્રિકા વચ્ચે વનડે સીરિઝની પહેલી મેચ આજે
- આ વનડે સીરિઝમાં ટીમ ઈન્ડિયાની કેપ્ટનશિપની કમાન કેએલ રાહુલ સંભાળશે
- વનડે મેચ રવિવારે ભારતીય સમય અનુસાર બપોરે 1.30 વાગ્યે શરૂ થશે
ભારત અને સાઉથ આફ્રિકા વચ્ચે ત્રણ મેચની વનડે સીરિઝની પહેલી મેચ આજે રમાશે. બંને ટીમો વચ્ચે આ મેચ જોહાનિસબર્ગના વાન્ડેરર્સમાં રમાશે. આ વનડે સીરિઝમાં ટીમ ઈન્ડિયાની કેપ્ટનશિપની કમાન કેએલ રાહુલ સંભાળશે તો સાઉથ આફ્રિકા ટીમના કેપ્ટન એઇડન માર્કરામ રહેશે. કેએલ રાહુલ આ સીરીઝ દરમિયાન એક એવી ટીમની કેપ્ટનશીપ કરશે જ્યાં ઘણા ખેલાડીઓ યુવા હશે, જ્યારે કેટલાક એવા ખેલાડીઓ પણ હશે જેઓ લાંબા સમય પછી વનડેમાં વાપસી કરશે.
પ્રથમ ODI મેચ કેટલા વાગ્યે શરૂ થશે?
ભારત અને સાઉથ આફ્રિકા વચ્ચેની પ્રથમ વનડે મેચ રવિવારે ભારતીય સમય અનુસાર બપોરે 1.30 વાગ્યે શરૂ થશે. ટોસ બપોરે 1:00 વાગ્યે થશે. આવી સ્થિતિમાં, આ મેચ લગભગ 10.30 વાગ્યે સમાપ્ત થવાની સંભાવના છે, જેના કારણે તમારે ટી-20 મેચની જેમ આ મેચ જોવા માટે મોડી રાત સુધી જાગવું નહીં પડે.
આ મેચ ક્યાં જોઈ શકશો?
આ મેચ સ્ટાર સ્પોર્ટ્સ નેટવર્ક પર ટેલિકાસ્ટ થશે, ઉપરાંત મેચનું લાઇવ સ્ટ્રીમિંગ તમે Disney+Hotstar પર જોઈ શકો છો.
વર્લ્ડ કપ 2023 હાર્યા પછી ટીમ ઈન્ડિયા પહલી વખત વનડે મેચ રમવા જઈ રહી છે. જો કે આ ટીમમાં રોહિત અને વિરાટ કોહલી જેવા સિનિયર પ્લેયર જોવા નહીં મળે. એવામાં જો આપણે ભારત vs દક્ષિણ આફ્રિકા ODI હેડ ટુ હેડની વાત કરી તો બંને વચ્ચે અત્યાર સુધીમાં 91 ODI મેચ રમાઈ છે. જેમાંથી ટીમ ઈન્ડિયા માત્ર 38 મેચ જીતી શકી છે. જ્યારે દક્ષિણ આફ્રિકાએ 50 ODI મેચ જીતી છે. આવી સ્થિતિમાં અહીં દક્ષિણ આફ્રિકાનો હાથ ઉપર છે. જ્યારે 3 મેચમાં કોઈ પરિણામ આવ્યું નથી.
જણાવી દઈએ કે, આ મેદાન પર ભારત અને દક્ષિણ આફ્રિકા વચ્ચે ત્રીજી T-20 મેચ રમાઈ હતી, જ્યાં ટીમ ઈન્ડિયાએ પહેલા બેટિંગ કરતા 200નો આંકડો પાર કર્યો હતો અને રનનો પીછો કરતા ટીમ 14 ઓવરમાં ઓલઆઉટ થઈ ગઈ હતી. આવી સ્થિતિમાં ટોસ જીતનારી ટીમ બેટિંગ કરવાનું પસંદ કરી શકે છે.
પહેલા વનડે માં ટીમ ઈન્ડિયાની સંભવિત પ્લેઈંગ 11
રુતુરાજ ગાયકવાડ, સંજુ સેમસન, શ્રેયસ ઐયર, તિલક વર્મા, કેએલ રાહુલ (કેપ્ટન/વિકેટકીપર), રિંકુ સિંહ, અક્ષર પટેલ, કુલદીપ યાદવ, મુકેશ કુમાર, અવેશ ખાન, અર્શદીપ સિંહ
