સ્પોર્ટ્સ / ઇન્ડિયાની હાર છતાંય ઉદય સહારને રચ્યો ઇતિહાસ, બન્યો U19 વર્લ્ડકપના ઇતિહાસમાં આવું કરનાર પ્રથમ ભારતીય કેપ્ટન

Published By: Arohi

Last Updated: 09:37 AM, 12 February 2024

FOLLOW ON

શેર કરો

U19 World Cup: અંડર-19 વર્લ્ડ કપ 2024ની ફાઈનલ મેચમાં ટીમ ઈન્ડિયાને ઓસ્ટ્રેલિયાની સામે હારનો સામનો કરવો પડ્યો. પરંતુ આ ટૂર્નામેન્ટ વખતે ભારતીય કેપ્ટન ઉદય સહારને એક મોટો રેકોર્ડ પોતાના નામે કર્યો છે.

અંડર-19 વર્લ્ડ કપની ફાઈનલમાં ભારતની હાર
ટૂર્નામેન્ટમાં ઉદય સહારને બનાવ્યો મોટો રેકોર્ડ
આમ કરનાર તેઓ પહેલા ભારતીય કેપ્ટન

અંડર-19 વર્લ્ડ કપ 2024માં ભારતીય ટીમની સફર ખૂબ જ શાનદાર રહી. પરંતુ તે ટ્રોફી જીતવાથી એક સ્ટેપ દૂર રહી ગઈ. ટીમ ઈન્ડિયાને ફાઈનલ મેચમાં ઓસ્ટ્રેલિયાની સામે 79 રનોથી હારનો સામનો કરવો પડ્યો. આ ટૂર્નામેન્ટમાં ટીમ ઈન્ડિયાની કમાન ઉદય સહારના હાથમાં હતી. તે ટીમને ટ્રોફી તો ન જીતવી શક્યા પરંતુ તેમણે એક એવો રેકોર્ડ બનાવ્યો જે આ પહેલા ભારતના કોઈ પણ કેપ્ટનના નામે ન હતો.

View this post on Instagram

A post shared by ICC (@icc)

ઉદય સહારને અંડર-19 વર્લ્ડ કપ 2024માં રચ્યો ઈતિહાસ
ઉદય સહારન બેટ્સમેન તરીકે આ ટૂર્નામેન્ટમાં ખૂબ જ સફળ રહ્યા. તેમણએ 7 મેચોમાં 56.71ની શાનદાર એવરેજ સાથે 397 રન બનાવ્યા. જેમાં ઉદય સહારને એક સેન્ચુરી અને ત્રણ હાફસેન્ચુરી પણ મારી અને તે અંડર-19 વર્લ્ડ કપ 2024ના ટોપ સ્કોરર રહ્યા.

ખાસ વાત એ છે કે તે ભારતના પહેલા કેપ્ટન છે જે આ ટૂર્નામેન્ટના ટોપ સ્ટોરર રહ્યા છે. આ પહેલા ભારતના 4 ખેલાડી અલગ અલગ એડિશનમાં ટોપ સ્કોરર રહી ચુક્યા છે. પરંતુ તેમાંથી કોઈ પણ ટીમના કેપ્ટન ન હતા.