જાન પાછી ફરી / પ્રેમિકા સાથે લગ્ન કરવા ગયેલા યુવકને તેની બે પત્નીઓએ ધોઈ નાખ્યો, પછી જાણો શું થયું

• પ્રેમિકા સાથે નિકાહ કરવા ગયેલા પરણિત યુવકની થઇ ધોલાઈ
• યુવકની બંને પત્નીઓએ યુવકને પકડીને ધોઈ નાખ્યો
• આ મામલે કોઈ પોલીસ કાર્યવાહી કરાઈ નથી

યુવકને અન્ય યુવતી સાથે ચાલી રહ્યું હતુ પ્રેમ પ્રકરણ

મારામારી અને હોબાળા વચ્ચે જાન દુલ્હન વગર પાછી આવી. આ મામલે પોલીસ કાર્યવાહી કરવામાં આવી નથી. આ મામલો શહેરના કોતવાલી વિસ્તારના એક શેરીનો છે. અહીં રહેતા યુવકે બે લગ્ન પહેલાથી જ કર્યા છે. યુવકની બંને પત્નીઓ પોતાના બાળકોની સાથે અલગ-અલગ ભાડાના મકાનમાં રહે છે. યુવકને બાજુની શેરીમાં રહેતી એક અન્ય યુવતી સાથે પ્રેમ પ્રકરણ ચાલી રહ્યું હતુ. આ દરમ્યાન યુવતીના પરિવારજનોએ તેના લગ્ન મુરાદાબાદમાં રહેતા યુવક સાથે કર્યા. 

યુવક પરણિત હોવાની વાત ખબર પડતા યુવતીએ કર્યો ઈન્કાર 

જ્યારે યુવતીના પતિને તેની પ્રેમ કહાની અંગે ખબર પડી તો તેણે યુવતીને છૂટાછેડા આપી દીધા. જો કે, યુવતી પોતાના પિયરમાં પિતાના ઘરે રહેવા લાગી. આ દરમ્યાન યુવક અને છૂટાછેડા લેનારી તેની પ્રેમિકાએ લગ્ન કરવાનો નિર્ણય લીધો. યુવક પહેલાથી પરણિત છે અને તેણે બે લગ્ન કર્યા છે. જેની જાણકારી પ્રેમિકાને ન હતી. છૂટાછેડા થતાં યુવતીના પરિવારજનોએ પણ લગ્ન કરવાની મંજૂરી આપી દીધી. ગુરૂવારે રાત્રે યુવક પોતાના મિત્રોને લઇને પ્રેમિકાના ઘરે પહોંચ્યા. નિકાહ કરવા માટે કાજીને પણ બોલાવવામાં આવ્યાં. પરંતુ ત્યારે યુવકની બંને પત્નીઓ ઘટનાસ્થળે આવી અને યુવકને ધોઈ નાખ્યો. હોબાળા બાદ બંને પક્ષોની વચ્ચે વાતચીત થઇ તો યુવકના પરણીત હોવાનુ રહસ્ય ખુલ્યું. ત્યારબાદ યુવતી પણ લગ્ન કરવાની ના પાડી દીધી. ત્યારબાદ જાન દુલ્હન વગર પાછી આવી. જો કે, આ મામલે પોલીસ કાર્યવાહી કરવામાં આવી નથી.