BIG NEWS / સલમાન ખાનના પનવેલ ફાર્મ હાઉસમાંથી નકલી આધાર કાર્ડ સાથે બે શંકાસ્પદ શખ્સોની ધરપકડ, અગાઉ મળી ચૂકી છે ધમકી

• સલમાન ખાનની સુરક્ષા સાથે જોડાયેલ એક મામલો સામે આવ્યો. 
• અભિનેતાને બિશ્નોઈ ગેંગ તરફથી જાનથી મારી નાખવાની ધમકી મળી હતી. 
• સલમાનના પનવેલ ફાર્મ હાઉસમાં બે શકમંદો ઘૂસવાનો પ્રયાસ કર્યો હતો. 

સલમાન ખાનની સુરક્ષા સાથે જોડાયેલ એક મામલો સામે આવ્યો છે. એ વાત તો જાણીતી જ છે કે ગયા વર્ષે, અભિનેતાને બિશ્નોઈ ગેંગ તરફથી જાનથી મારી નાખવાની ધમકી મળી હતી, ત્યારબાદ તેની સુરક્ષા માટે કડક વ્યવસ્થા કરવામાં આવી હતી.

હવે તેમની સુરક્ષામાં ખામીના સમાચાર સામે આવી રહ્યા છે. કહેવામાં આવી રહ્યું છે કે અભિનેતાના પનવેલ ફાર્મ હાઉસમાં બે શકમંદો ઘૂસવાનો પ્રયાસ કરી રહ્યા હતા, જેમની ધરપકડ કરવામાં આવી છે.

Maharashtra | A case has been registered at Panvel Rural Police Station against two people for trying to enter Salman Khan's Arpita Farm House in Waze, New Panvel. Further investigation is being done: Anil Patil, Inspector, Panvel Taluka Police Station

— ANI (@ANI) January 8, 2024

અહેવાલો અનુસાર, નવી મુંબઈના પનવેલ સ્થિત સલમાન ખાનના ફાર્મ હાઉસમાં ગુરુવારે સાંજે 4 વાગ્યાની આસપાસ બે અજાણ્યા લોકો ઘૂસવાનો પ્રયાસ કરી રહ્યા હતા. તેને ફાર્મ હાઉસમાં પ્રવેશતા જોઈને ત્યાં હાજર સુરક્ષાકર્મીઓએ તેને રોકી દીધો, ત્યારબાદ ફાર્મ હાઉસના મેનેજરને પણ બોલાવવામાં આવ્યો.

વધુ વાંચો: KGF એક્ટર યશના બર્થ ડે સેલિબ્રેશન દરમ્યાન મોટી દુર્ઘટના: કરંટ લાગતા 3ના મોત, 3 ઘાયલ

જ્યારે પૂછપરછ કરવામાં આવી તો બંને વ્યક્તિઓ પોતાને સલમાન ખાનના ચાહક ગણાવતા હતા. આમ છતાં સુરક્ષાકર્મીઓએ તેની વાત માની નહીં અને પોલીસને બોલાવી. સુરક્ષકર્મીઓએ બંનેને પોલીસને હવાલે કર્યા હતા. કહેવામાં આવી રહ્યું છે કે તાર તોડીને અંદર ઘૂસવાનો પ્રયાસ કરી રહ્યા હતા.