- લોકસભા ચૂંટણી પહેલા રાજકીય પક્ષો હરકતમાં, સપાએ કરી મોટી જાહેરાત
- રાષ્ટ્રીય લોકદળ અને સમાજવાદી પાર્ટી સાથે મળીને ચૂંટણી લડશે
- અખિલેશ યાદવના આ ટ્વીટથી તે ચર્ચાઓ પર પૂર્ણવિરામ મુકાયું
Lok Sabha Election 2024 : લોકસભા ચૂંટણી પહેલા રાજકીય પક્ષો હરકતમાં આવી ગયા છે. આ સાથે રાજકીય પાર્ટીઓના ગઠબંધન પણ શરૂ થઈ ગયા છે. આ બધાની વચ્ચે ઉત્તર પ્રદેશમાં પણ રાજકારણ ગરમાયું છે. સમાજવાદી પાર્ટીના વડા અને રાજ્યના પૂર્વ મુખ્યમંત્રી અખિલેશ યાદવે ટ્વિટ કર્યું છે કે, રાષ્ટ્રીય લોકદળ અને સમાજવાદી પાર્ટી સાથે મળીને ચૂંટણી લડશે.
સપાના વડા અખિલેશ યાદવે ટ્વીટ કર્યું કે, રાષ્ટ્રીય લોકદળ અને સપાના ગઠબંધન પર દરેકને અભિનંદન. જીત માટે બધા એજજૂટ થઈ જાઓ. તમને જણાવી દઈએ કે, બંને પાર્ટીઓ INDIA એલાયન્સમાં સામેલ છે. જોકે થોડા સમય પહેલા સુધી એવી ચર્ચા હતી કે, જયંત ચૌધરી અને તેમની પાર્ટી NDA ગઠબંધનમાં સામેલ થઈ શકે છે. પરંતુ અખિલેશ યાદવના આ ટ્વીટથી તે ચર્ચાઓ પર પૂર્ણવિરામ મુકાઈ ગયું છે.
વધુ વાંચો: અયોધ્યા જતા પહેલાં આ જાણી લેજો, નહીં તો આમંત્રણ બાદ પણ નહીં મળે રામ મંદિરમાં એન્ટ્રી, જાણો કારણ
નોંધનીય છે કે, ઉત્તર પ્રદેશ વિધાનસભા ચૂંટણી 2022 દરમિયાન બંને પક્ષો સાથે મળીને ચૂંટણી લડ્યા હતા પરંતુ ભારતીય જનતા પાર્ટીએ ચૂંટણી જીતી હતી. વિધાનસભાની ચૂંટણી પછી પણ એવા ઘણા પ્રસંગો આવ્યા જ્યારે એવું લાગતું હતું કે, લોકદળ અને સપાના રસ્તા અલગ થઈ શકે છે. સુભાસપા એ સપા સાથે ગઠબંધન તોડ્યા પછી પણ આવી જ અટકળો કરવામાં આવી હતી.
