- ટ્રાવેલિંગ દરમિયાન કોસ્ટ કટિંગ કરવું જરૂરી
- વ્યર્થ ચીજોનાં ખર્ચને ટાળીને બજેટમાં ટ્રિપ કરવી શક્ય
- ધ્યાનપૂર્વક હોટલ બુકિંગ કરવાથી પૈસા બચાવી શકાય છે
નવા વર્ષની ઊજવણી લોકો અલગ-અલગ રીતે કરતાં હોય છે. કેટલાક લોકો આ રજાઓમાં ફરવા જવાનું પસંદ કરતાં હોય છે. ભારતમાં કુલ્લૂ-મનાલી કે શિમલા જેવા વિસ્તારોમાં ક્રિસમસ અને ન્યૂયર દરમિયાન મોટી ભીડ જોવા મળતી હોય છે તેવામાં હોટેલથી લઈને ટિકિટનાં ભાવ સાતમે આસમાને પહોંચી જાય છે. તેવામાં કેટલીક ચીજોનાં ખર્ચમાં ખાસ ધ્યાન રાખીને તમે ટ્રાવેલિંગને બજેટમાં પૂરી કરી શકો છો.
ન્યૂયર ટ્રાવેલિંગ ટિપ્સ:
1. પ્રિ બુકિંગ કરવી જોઈએ.
આ ડિજિટલ યુગમાં ઘણી વસ્તુઓ હવે સરળ થઈ ગઈ છે. તેથી ડેસ્ટિનેશન પહોંચવાથી પહેલા જ હોટલમાં રૂમ બુકિંગ કરી દેવી જોઈએ. અનેક ઓનલાઈન પ્લેટફોર્મ પર ઘણાં સારા ડિસ્કાઉન્ટ મળતાં હોય છે તેથી પ્રાઈઝની સરખામણી કરીને બજેટમાં તમે 3 સ્ટાર હોટલમાં બુકિંગ કરી પૈસા બચાવી શકો છો.
2. મોલ રોડથી દૂર
પહાડી વિસ્તારોનાં મોલ રોડ પર આવેલ હોટલનું ભાડું બેગણું હોય છે. મોટાભાગનાં ટૂરિસ્ટ આવા સ્થળો પર હોટલ બુક કરવાનો પ્રયાસ કરે છે. પરિણામે ભાડા સિવાય ખાનપાન પણ મોંઘા પડે છે. તેથી બજેટમાં ટ્રિપ કરવા માટે તમારે મેઈન વિસ્તારથી થોડે દૂર રૂમ રાખવો જોઈએ.
3. બાર્ગેનિંગ
હોટલની ઓનલાઇન બુકિંગ કરવી બેસ્ટ છે પણ જો તમે સ્થળ પર પહોંચીને હોટલનો રૂમ લેવા ઈચ્છો છો તો ચોક્કસ બાર્ગેનિંગ કરાવવું જોઈએ. એક જ હોટલની જગ્યાએ 2-3 હોટલમાં જઈને રૂમની પૂછપરછ કરવી. આ રીતે તમે બેસ્ટ રેટમાં રૂમ મેળવી શકશો.
4. રૂમ સિલેક્શનમાં ભૂલ
હંમેશા ધ્યાન રાખવું કે તમારો રૂમ લિફ્ટ કે પેંટ્રીની નજીક ન હોય. આ રીતે તમે સતત ડિસ્ટર્બ થતાં રહેશો. ઘણાં ઓછા લોકો આવા રૂમમાં શાંતિનો અનુભવ કરે છે. સતત અવાજ અને અવરજવરનાં કારણે ઘણીવખત પ્રાઈવસી પણ નથી મળતી હોતી. તેથી તમારો મૂડ પણ બગડી શકે છે.
5. બિલની ચૂકવણી
જે દરમિયાન તમે પેમેંટ કરો છો ત્યારે ચોક્કસથી બિલ લેવું જોઈએ. તેમાં ઘણાં એવા ચાર્જ લખેલા છે તે તમે ઓછા કરી શકો છો. તમે બિલમાં લખેલા સર્વિસ ચાર્જને ઘટાડી શકો છો. કારણકે સર્વિસ ચાર્જ ચૂકવવું કે નહીં એ કસ્ટમરની ઈચ્છા અનુસાર હોય છે.
