નિયમ / મોબાઈલ ધારકો માટે ગુડ ન્યૂઝ, આવતીકાલથી મટી જશે 'માથાનો દુખાવો', લાગું પડશે આ સારો નિયમ

• TRAI દ્વારા કોલિંગ નિયમોમાં સુધારો કરવા નિર્ણય
• TRAI સ્પામ કોલ્સ અને SMSને બ્લોક કરવા માટે ફિલ્ટરનો ઉપયોગ કરશે

મોબાઈલ ફોનનો ઉપયોગ કરતા લોકો માટે સારા સમાચાર સામે આવી રહ્યા છે. જેમાં ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) દ્વારા કોલિંગ નિયમોમાં સુધારો કરવા નિર્ણય કરાયો છે. નવા નિયમ મુજબ TRAI સ્પામ કોલ્સ અને SMSને બ્લોક કરવા માટે ફિલ્ટરનો ઉપયોગ કરશે. ટેલિકોમ ઓથોરિટીએ તમામ કંપનીઓને તેમની ફોન કોલ અને મેસેજ સર્વિસમાં આર્ટિફિશિયલ ઈન્ટેલિજન્સ સ્પામ ફિલ્ટર્સ ઈન્સ્ટોલ કરવા નિર્દેશ જારી કર્યા છે. આ નવા નિયમ આવતીકાલ એટલે કે 1 મેથી લાગુ કરવામાં આવી શકે છે.

ફેક કોલ અને એસએમએસ રોકવા આયોજન

આ મામલે જાણવા મળી રહ્યું છે કે ટ્રાઈએ તમામ ટેલિકોમ કંપનીઓને 1 મે પહેલા કોલ અને મેસેજ ફિલ્ટર લાગુ કરવા સૂચના જારી કરી છે. જે ફિલ્ટરનું મુખ્ય કાર્ય યુઝર્સને ફેક કોલ અને મેસેજથી બચાવવામાં મદદરૂપ થશે. મહત્વનું છે કે TRAI લાંબા સમયથી બોગસ કોલ ચેક કરવાની દિશામાં કાર્યવાહી કરી રહી હતી. TRAI નકલી કોલ અને SMSને રોકવા માટે નિયમો બનાવવા જઈ રહી છે. આ અંતર્ગત ટ્રાઈએ 10 અંકના મોબાઈલ નંબર પર કરવામાં આવતા પ્રમોશનલ કોલને રોકવાની માંગ કરી છે. વધુમાં TRAI કોલર આઈડી ફીચર પણ લાવું રહ્યુ છે જેમાં  કોલ કરનારનું નામ અને ફોટો સહિતની વિગતો દેખાશે.

આ દિશામાં કાર્યવાહી આગળ 
ભારતીય ટેલિકોમ કામોની એરટેલ દ્વારા AI ફિલ્ટર્સ રજૂ કરવા અંગેની જાહેરાત કરવામાં આવી છે. જ્યારે Jio એ નકલી કૉલ્સ અને SMS માટે AI ફિલ્ટર સેટ કરવાની યોજના જાહેર કરી દીધી છે. આ બંને કંપનીઓ ટ્રુકોલર એપ સાથે પણ વાતચીત કરી રહી છે. પરંતુ તેઓ કોલર આઈડી ફીચરને લઈને ગોપનીયતાની સમસ્યાઓ ઉભી થતી હોવાથી તે આ મામલે બચી રહી છે.