સ્વાસ્થ્ય નિષ્ણાંતના જણાવ્યા મુજબ, ખરાબ ખાનપાનને કારણે પણ ફેટી લીવરની સમસ્યા થઈ શકે છે. કોઈ પણ વ્યક્તિના લીવરમાં ફેટનું પ્રમાણ ખૂબ જ ઓછું અથવા બિલકુલ હોતું જ નથી. જ્યારે લીવરના કોષોમાં ચરબી જામવા લાગે છે ત્યારે લીવરમાં સોજો ચડવા લાગે છે. જેના કારણે ફેટી લીવરની સમસ્યા સર્જાય છે. તેની અસર પાચન તંત્ર પર પડે છે. જો તમને આ લક્ષણો દેખાય તો તમારે તાત્કાલિક ડોક્ટરની સલાહ લેવી જોઈએ.
ફેટી લીવર 2 પ્રકારના હોય છે
આલ્કોહોલિક ફેટી લીવર
જે લોકો વધુ પ્રમાણમાં દારૂનું સેવન કરે છે, તેમને આ સમસ્યા જોવા મળે છે. જેના કારણે લીવરમાં ફેટ જમા થવા લાગે છે. આ લોકોએ 6 અઠવાડિયા સુધી દારૂનું સેવન ન કરવું જોઈએ. જેનાથી તમારા લીવરનો સોજો ઓછો થઈ જશે. આ સમસ્યાથી છુટકારો મેળવવા માટે તમારે દારૂનું સેવન છોડવું પડશે.
નોન-આલ્કોહોલિક ફેટી લીવર
આ સમસ્યા ખાનપાનના કારણે થાય છે. જે લોકો વધુ પ્રમાણમાં બહારના તેલવાળા ખોરાકનું સેવન કરે છે, તેમને આ સમસ્યા વધુ પ્રમાણમાં જોવા મળે છે. વજન વધવાને કારણે અથવા ડાયાબિટીસના કારણે પણ નોન-આલ્કોહોલિક ફેટી લીવરની સમસ્યા સર્જાય શકે છે. આ સમસ્યાથી છુટકારો મેળવવા માટે તમારે તળેલા ખોરાકનું સેવન ન કરવું જોઈએ. તમારે ઘરે બનાવેલ સ્વસ્થ ખોરાકનું જ સેવન કરવું જોઈએ.
ફેટી લીવરના લક્ષણો
- વારંવાર ઊલટી થવી
- ભૂખ ન લાગવી
- પાચનને લગતી સમસ્યા થવી
- તમને વારંવાર થાક લાગી શકે છે
- વજન ઘટે
- પેટના ઉપરના ભાગમાં સોજો આવવો
ફેટી લીવરની સમસ્યા કેવી રીતે થાય છે
- વધુ પ્રમાણમાં મસાલાવાળા ખોરાકનું સેવન કરવાથી
- ટાઈપ 2 ડાયાબિટીસના કારણે
- સ્થૂળતાના કારણે
- લોહીમાં ફેટનું પ્રમાણ વધવું
- તમારું કોલેસ્ટ્રોલ હાઇ થવું
- તમારું મેટાબોલિઝમ ઓછું થઈ જવું
વાંચવા જેવું: હાથ-પગમાં દેખાવા લાગે આવા લક્ષણ તો સમજી જજો વધી ગયું છે કોલેસ્ટ્રોલ, હોઈ શકે હાર્ટએટેકનો ખતરો
ફેટી લીવરની સમસ્યાથી છુટકારો કેવી રીતે મેળવી શકાય છે
- નારિયેળ પાણી, છાસ અને કઠોળના પાણીનું સેવન કરો.
- દરરોજ થોડી વાર માટે નિયમિત રીતે વ્યાયામ જરૂર કરો.
- લસણનું સેવન કરો, દરેક શાક બનાવવામાં લસણનો ઉપયોગ કરો.
- રાત્રિ ભોજન રાત્રે 9 વાગ્યા પહેલા કરી લેવું જોઈએ.
- દારૂ અને ધુમ્રપાનનું સેવન છોડી દો.
- ખોરાકને યોગ્ય રીતે ચાવીને ખાવ.
- તમારે બ્રોકોલી, માછલી અને એવોકાડોનું સેવન વધુ પ્રમાણમાં કરવું જોઈએ.
