ગીર સોમનાથ / દીવના દરિયામાં માછીમારો લાપતા થતા બીજા દિવસે પણ શોધખોળ યથાવત, વધુ એક ખલાસીનો મૃતદેહ મળ્યો

• બીજા દિવસે પણ માછીમારોની શોધખોળ યથાવત
• સમુદ્રમાંથી વધુ એક માછીમારનો મૃતદેહ મળી આવ્યો
• હજુ પણ 6 માછીમારો છે લાપતા

બુધવારે મોડી રાતે દીવના દરિયામાં કરંટને લીધે અને  ભારે પવન વચ્ચે નવા બંદર પર લાંગરેલી 15 બોટ તણાઇ ગઈ છે. બંદર પર બોટ લાંગરવા ગયેલા આઠ ખલાસીઓ ગુમ થયા હતા જેને લઈને માછીમારોને શોધખોળની પ્રક્રિયા હાથ ધરવામાં આવી હતી..દરિયામાંથી 3 માછીમારોને આબાદ બચાવી લેવાયા હતા જ્યારે હજુ પણ 6 માછીમારો છે લાપતા છે ગઈ કાલે એક ખલાસીનો મૃતદેશ મળી આવ્યો હતો ત્યારે આજે વધુ એક ખલાસીઓન મૃતદેહ મળી આવ્યો છે. 

હજુ પણ 6 માછીમારો છે લાપતા

દીવમાં દરિયામાં બોટોને લંગારવા ગયેલા માછીમારો પૈકી હજુ પણ 6 માછીમારો દરિયામાં લાપતા છે ત્યારે બીજા દિવસે પણ માછીમારોની શોધખોળની કવાયત હાથ ધરવામાં આવી રહી છે. ત્યારે સમુદ્રમાંથી વધુ એક માછીમારનો મૃતદેહ મળી આવ્યો છે.  રામુભાઈ દેવાભાઈ નામના માછીમારનો મૃતદેહ મળતા માછીમારોમાં મોતનો માતમ છવાય ગયો છે. 

બીજા દિવસે પણ માછીમારોની શોધખોળ યથાવત

દરિયામાં ગુમ થયેલા માછીમારોને શોધવા માટે હેલિકોપ્ટરની મદદ લેવાઈ રહી છે.. તેમજ નેવી, કોસ્ટગાર્ડ, મદદ લેવામાં આવી રહી છે.  ગઈ કાલે ભારે પવનને કારણે ઉનાની 8 જેટલી બોટ દરિયામાં ડૂબી ગઈ હતી.. જે અંગે મુખ્યમંત્રીએ પણ સમગ્ર મામલે માહિતી મેળવી હતી. મુખ્યમંત્રી ભૂપેન્દ્ર પટેલે જિલ્લા કલેક્ટર સાથે ફોન પર વાત કરી બચાવ-રાહત કામગીરી ઝડપી કરવા સૂચના આપી હતી, તો મુખ્ય સચિવ પંકજ કુમારને સ્થિતિ પર નજર રાખવા નિર્દેશ કરાયા હતા. જે ખલાસીઓનો હજુ સુધી કોઈ પત્તો નથી લાગ્યો જેને લઈને ખલાસીઓના પરિવાર પણ ચિંતામાં મુકાયા છે. 

કચ્છના માછીમારોની કફોડી સ્થિતિ

મહત્વનું છે કે અરબી સમુદ્રમાં ઉદભવેલા ચક્રવાતની અસર કચ્છના દરિયામાં પણ વર્તાઈ રહી છે. જેને લઈને માછીમારોની સ્થિતિ  કફોડી સ્થિતિ બની છે. જખૌ દરિયાકાંઠેથી માછીમારોની બોટ પરત ફરી છે. જવાદ વાવાઝોડાથી આફતના એંધાણ વર્તાઈ રહ્યા છે. જેને લઈને તંત્ર પણ એલર્ટ બન્યું છે.