- મધ્યપ્રદેશની શિવપુરીમાં લગ્ન પ્રસંગનો વિચિત્ર કિસ્સો સામે આવ્યો છે.
- સુવા માટે વ્યવસ્થા ન કરતાં વાત લગ્ન તોડવા સુધી પહોંચી ગઈ
- પોલીસે FIR નોધવાની ચીમકી ઉચ્ચારતા મામલો થાળે પાડ્યો હતો.
સુવા માટે વ્યવસ્થા ન કરતાં વાત લગ્ન તોડવા સુધી પહોંચી ગઈ
વધુ પક્ષનું કહેવું છે કે, છોકરાવાળાને બોલાવી તો લીધા પરંતુ સ્વાગત ન કર્યું કે ન કોઈ વ્યવસ્થા કરવામાં આવી હતી. આ મુદ્દે બંન્ને પરિવાર વચ્ચે ખટરાગ થયો, મોડી રાતે સૂવાની વ્યવસ્થા યોગ્ય ન કરવામાં આવતા વિવાદ વધ્યો અને વાત લગ્ન તોડવા સુધી પહોંચી ગઈ હતી. ત્યારબાદ બંન્ને પક્ષ પોલીસ સ્ટેશન સુધી પહોંચ્યા. પોલીસે પણ બંન્ને પક્ષ વતી FIR નોંઘવાની ધમકી આપી અને મામલો થાળે પાડ્યો હતો.
જાણો શું છે સમગ્ર મામલો
મળતી જાણકારી પ્રમાણે, જવાહર કોલોની IITની પાછળ રહેનાર જોશી પરિવારમાં સંજય જોશીના લગ્ન લલિતપુરની રહેવાસી યુવતી સાથે થવાના હતા. વિવાહ પહેલા વર પક્ષે વધુ પક્ષને શિવપુરી આવવા માટેનું નિમંત્રણ આપ્યું, નક્કી થયું કે, વધુ પક્ષ 100થી 150 લોકોને લઈને આવશે. વિવાદ દરમિયાન વધુ પક્ષના 200 લોકો શિવપુરી પહોંચી જતાં અવ્યવસ્થા સર્જાઈ અને બંન્ને વચ્ચે વિવાદ થયો હતો.
દુલ્હનને તૈયાર થવા માટે રૂમ ન મળ્યો
વધુ પક્ષનો આક્ષેપ છે કેસ વર પક્ષ દ્વારા યોગ્ય વ્યવસ્થા કરવામાં આવી નહોંતી, ભોજન દરમિયાન પણ અવ્યવસ્થા જોવા મળી હતી, રાત્રે સ્ટેજ કાર્યક્રમ પહેલા દુલ્હનને તૈયાર થવા માટે રૂમની પણ વ્યવસ્થા નહોંતી, જેના લીધે વધુનો ભાઈ ગુસ્સે ભરાયો અને હંગામો મચાવ્યો હતો.
પોલીસની ચેતવણી બાદ મામલો થાળે પડ્યો હતો
શિવપુરી દેહત પોલીસ સ્ટેશનના પ્રભારી વિકાસ યાદવે જણાવ્યું કે પોલીસે બંને પક્ષોને સમજાવવાનો પ્રયાસ કર્યો. વડીલોને સમજાવ્યું કે જ્યારે બધી વિધિઓ પૂરી થઈ ગઈ છે અને વહુને વિદાય આપવાની છે, તો પછી તમે શા માટે હોબાળો કરો છો. પોલીસને લાંબા સમય સુધી સમજાવ્યા પછી પણ બંને પક્ષો રાજી ન થયા, ત્યારબાદ તેઓએ બંને વિરુદ્ધ ક્રોસ એફઆઈઆર નોંધવાની વાત કરી. આ પછી બંને પક્ષો સમાધાન કરવા સંમત થયા હતા. વિદાય બાદ કન્યા પક્ષ લલિતપુર જવા રવાના થયો.
