મહામંથન / ભ્રષ્ટાચારના બ્રિજમાં કેટલાના હાથ કાળા? બ્રિજ દુર્ઘટના મુદ્દે કોંગ્રેસનું વિરોધાભાસી વલણ કેમ? સરકાર કેટલી ગંભીર?

Kishor

Last Updated: 10:37 PM, 25 October 2023

FOLLOW ON

શેર કરો

પાલનપુર બ્રિજ દુર્ઘટમાં આ ભ્રષ્ટાચારના બ્રિજમાં કેટલાના હાથ કાળા? કોંગ્રેસે તો હંમેશની જેમ આરોપોનો મારો ચલાવ્યો પરંતુ સરકાર આ મુદ્દે ગંભીર બની કાર્યવાહી હાથ ધરે તેવી લોકો માંગ કરી રહ્યા છે.

રાજ્ય આખામાં ગાજી રહ્યો છે પાલનપુર બ્રિજ દુર્ઘટના
પ્રશ્ન ફેબ્રિકેશનનો છે નહીં કે ગુણવત્તાનો છે : સરકાર
કોંગ્રેસે હંમેશની જેમ આરોપોનો મારો ચલાવ્યો

પાલનપુર બ્રિજ દુર્ઘટના હાલ રાજ્ય આખામાં ગાજી રહ્યો છે. આ ઘટનના પડઘા હજુ શમ્યા નથી, તપાસની કાગળ ઉપરની પ્રક્રિયા ચાલુ છે. રાજ્ય સરકાર ભારપૂર્વક કહી રહી છે કે ગર્ડરની કામગીરી દરમિયાન દુર્ઘટના બની જે પ્રશ્ન ફેબ્રિકેશનનો છે નહીં કે ગુણવત્તાનો. સામે પક્ષે કોંગ્રેસે હંમેશની જેમ આરોપોનો મારો ચલાવ્યો છે. બ્રિજના સ્લેબ ધરાશાયી થવાનું રાજકારણ યથાવત છે ત્યારે મોરબીમાં ઝુલતા પુલની દુર્ઘટનામાં પણ કોંગ્રેસ પક્ષમાંથી જ જુદા વલણ સામે આવ્યા છે. કોંગ્રેસના એક વર્તમાન અને બે પૂર્વ ધારાસભ્યએ ઝૂલતા પુલ દુર્ઘટનાના આરોપી જયસુખ પટેલનું સમર્થન કરતા જયારે એવું કહ્યું કે તેને ટાર્ગેટ કરવામાં આવી રહ્યા છે ત્યારે બીજી તરફ કોંગ્રેસના નેતા અમિત ચાવડા કહે છે કે આ લાગણી કોંગ્રેસ પાર્ટીની નથી તે ધારાસભ્ય અને નેતાનો વ્યક્તિગત મત હોય શકે છે.

રાજ્યમાં બ્રિજ ધરાશાયી થયા હોય કે બ્રિજમાં કોઈ કોઈ જગ્યાએ ગાબડા પડ્યા હોય એવી ઘટના છાશવારે બને છે તેનો ઈન્કાર થઈ શકે એમ નથી. આવું ન થાય તેના માટે સરકાર શું કરી રહી છે, તેનો એકશન પ્લાન શું છે. જે બ્રિજનો ઉપયોગ લોકોની સુખાકારી માટે થવાનો છે તે જર્જરીત થઈ જાય કે નજીવા સમયમાં બિન ઉપયોગી થઈ જાય તો કરોડોના આંધણનો અર્થ શું રહે. રાજ્યમાં બ્રિજ નબળી ગુણવત્તાના ન બને, વધુ મજબૂત બને તે માટે કઈ દિશામાં પ્રયાસ હાથ ધરી શકાય!