OMG / પ્રાણ જાએ પણ વ્યસન ન જાએ! ચાલુ ઓપરેશનમાં ગુટખા મસળતો હતો દર્દી, લોકોએ કહ્યું જાન હથેળીમાં રાખી

સોશિયલ મીડિયા પર એક ખૂબ જ ચોંકાવનારો વીડિયો વાયરલ થયો છે, જેને જોઈને યુઝર્સ પણ આશ્ચર્યચકિત થઈ ગયા છે. જેમાં ઓપરેશન થિયેટરમાં સારવાર દરમિયાન એક દર્દીને બંને હાથે 'ગુટખા' ઘસતો દર્શાવવામાં આવ્યો છે. વીડિયો શેર કરનાર વ્યક્તિએ પોતાની પોસ્ટમાં કાનપુરનો ઉલ્લેખ કર્યો છે. જો કે હજુ સુધી આ વાતની પુષ્ટિ થઈ નથી. પરંતુ જેણે પણ આ વાયરલ ક્લિપ જોઈ તે સ્તબ્ધ થઈ ગયા. કેટલાક લોકોએ મજાકમાં લખ્યું છે કે, ' જિંદગી જાય પણ જર્દા ન જાય 

જોકે, વીડિયો પરથી એ સ્પષ્ટ નથી થયું કે દર્દી ખરેખર ગુટખા મસળતો હતો કે તેના હાથ ખાલી હતા. પરંતુ કેમેરામાં તે જે પ્રકારનું વર્તન કરતો કેદ થયો છે તે જોઈને લોકો કહી રહ્યા છે કે ઓપરેશન થિયેટરમાં દર્દીને ડૉક્ટર આ કેવી રીતે મંજૂરી આપી શકે?

Kanpur is not for beginners pic.twitter.com/HMDkUMkX5O

— Alpha🐯 (@AlphaTwt_) February 19, 2024

દર્દીએ ઓક્સિજન માસ્ક પહેરેલુ છે 

વાયરલ થયેલી ક્લિપને જોઈને અનુમાન લગાવી શકાય છે કે દર્દીની કોઈ સર્જરી થવાની છે, જેની તૈયારી માટે બે નર્સ હાજર છે. વીડિયોમાંથી એવું પણ દેખાય છે કે દર્દી એનેસ્થેસિયાના પ્રભાવ હેઠળ છે, કારણ કે તે ઓક્સિજન માસ્ક પહેરેલો જોવા મળે છે. તે જ સમયે, આંગળીમાં પલ્સ મશીન ફીટ કરવામાં આવે છે. આ સમય દરમિયાન, એક નર્સ પણ ઈન્જેક્શન આપવાની તૈયારી કરતી જોઈ શકાય છે.

અહીં જુઓ વીડિયો, ઓપરેશન થિયેટરમાં દર્દી ગુટખા ઘસતો જોવા મળ્યો

આ ચોંકાવનારી 30-સેકન્ડની વીડિયો ક્લિપ X પર @AlphaTwt_ હેન્ડલથી શેર કરવામાં આવી છે. યુઝરે કેપ્શનમાં લખ્યું છે કે, કાનપુર નવા નિશાળીયા માટે નથી. સમાચાર લખાય છે ત્યાં સુધી, વીડિયોને 1.5 લાખથી વધુ વ્યૂઝ મળી ચૂક્યા છે, જ્યારે કોમેન્ટ્સનો ધમધમાટ જોવા મળી રહ્યો છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો