- ખેડૂતો માટે ફરી માઠા સમાચાર
- 3 દિવસ કમોસમી વરસાદની આગાહી
- સૌરાષ્ટ્ર, કચ્છ, ઉત્તર ગુજરાતમાં આગાહી
ગુજરાતના કેટલાક વિસ્તારોમાં ભરઉનાળે વરસાદી માહોલ જોવા મળી રહ્યો છે. રાજ્યમાં વેસ્ટર્ન ડિસ્ટર્બન્સના કારણે હવામાનમાં સતત પલટા આવી રહ્યા છે, જેના કારણે ખેડૂતો પારાવાર મુશ્કેલીમાં મુકાયા છે. જોકે, ગુજરાતના માથેથી કમોસમી વરસાદનું સંકટ હજુ ટળ્યું નથી. રાજ્યમાં હજુ પણ ત્રણ દિવસ વરસાદી માહોલ રહેશે તેવું હવામાન વિભાગ દ્વારા જણાવવામાં આવ્યું છે. હવામાન વિભાગની આગાહી પ્રમાણે રાજ્યમાં 3 દિવસ કમોસમી વરસાદ વરસતો રહેશે.
આ વિસ્તારોમાં ગાજવીજ સાથે વરસાદની શક્યતા
હવામાન વિભાગના જણાવ્યા અનુસાર, રાજ્યમાં વેસ્ટર્ન ડિસ્ટર્બન્સ અને વરસાદી સિસ્ટમ સક્રિય થઈ છે. જેના કારણે ગુજરાતમાં વરસાદી માહોલ યથાવત રહેશે. ગુજરાતના સૌરાષ્ટ્ર, કચ્છ અને ઉત્તર ગુજરાતના કેટલાક વિસ્તારોમાં ત્રણ દિવસ સુધી ગાજવીજ સાથે વરસાદની શક્યતા છે. તો દક્ષિણ ગુજરાતના પણ કેટલાક વિસ્તારોમાં ગાજવીજ સાથે વરસાદ વરસતો રહેશે. આગામી 48 કલાક બાદ રાજ્યમાં ફરી ગરમીનો પ્રકોપ વધશે. અંદાજે 4 ડિગ્રી સુધી ગરમીમાં વધારો થશે. 9 મે થી અમદાવાદમાં યેલો અલર્ટની આગાહી છે.
આજે અહીં ખાબકી શકે છે વરસાદ
આજે અમદાવાદ સહિત બનાસકાંઠા, પાટણ, ડાંગ, નવસારી, વલસાડ, દમણ, દાદરા-નગર હવેલી, સુરેન્દ્રનગર, અમરેલી, ગીર-સોમનાથ, જામનગર, જૂનાગઢ, પોરબંદર, રાજકોટ, દીવ અને કચ્છમાં વરસાદની શક્યતા છે. તો આવતી કાલે ડાંગ, નવસારી, તાપી, વલસાડ, દમણ, પોરબંદર અને દ્વારકામાં હળવો વરસાદ પડી શકે છે. બે દિવસ બાદ કાળઝાળ ગરમીનો પ્રકોપ વધશે. આગામી સમયમાં મોટાભાગના જિલ્લાઓમાં તાપમાનમાં વધારો થશે
.jpg)
24 કલાકમાં 57 તાલુકામાં નોંધાયો વરસાદ
છેલ્લા 24 કલાકમાં ગુજરાતના 57 તાલુકામાં વરસાદ નોંધાયો છે. જેમાં સૌથી વધુ કચ્છના નખત્રાણામાં અઢી ઈંચ વરસાદ નોંધાયો છે. જ્યારે જૂનાગઢના મેંદરડા તાલુકામાં દોઢ ઈંચ, ધારીમાં પોણા 2 ઈંચ, ઉપલેટામાં પોણા 2 ઈંચ, કાલાવડમાં 1.5 ઈંચ, જામનગરમાં 1.5 ઈંચ, જાંબુઘોડામાં 1.5 ઈંચ, સંખેડામાં સવા ઈંચ, માળિયામાં સવા ઈંચ, ધોરાજીમાં પોણો ઈંચ, કેશોદમાં પોણો ઈંચ, જૂનાગઢમાં પોણો ઈંચ, પડધરીમાં પોણો ઈંચ, તલાલામાં પોણો ઈંચ, સુબિરમાં અડધો ઈંચ, વંથલીમાં અડધો ઈંચ, વઘઈમાં અડધો ઈંચ, વાંસદામાં અડધો ઈંચ
ભાણવડમાં અડધો ઈંચ અને ડાંગમાં અડધો ઈંચ વરસાદ નોંધાયો છે.
