સુરતમાં વેસું પોલીસ મથક વિસ્તારમાં યુવતી સામે અશ્લીલ ચેનચાળા કરતાં યુવક પર આરોપ લગાવ્યા બાદ પોલીસ દ્વારા યુવકની ધરપકડ કરી હતી. યુવકને પોલીસ મથક લઈ ગયા બાદ પોલીસ દ્વારા તેની પૂછપરછ હાથ ધરવામાં આવી હતી. પૂછપરછ દરમ્યાન યુવક પોલીસ સ્ટેશનમાં જ રહસ્યમય મોત નિપજતા અનેત તર્ક વીતર્ક સર્જાયા હતા.
ટોળાએ યુવકને પકડીને મેથીપાક ચખાડ્યો
મળતી માહિતી મુજબ વેસ્ટ ફિલ્ડ શોપિંગ મોલ બહાર 40 વર્ષીય સાગસ સુશીલ નેવટિયા માર્ગ પરથી પસાર થતી યુવતીઓની છેડતી કરી અશ્લીલ હરકતો કરતો હતો. જેથી માર્ગ પરથી નીકળતી મહિલાઓ તેમજ યુવતીઓ હેરાન પરેશાન થઈ જવા પામી હતી. ત્યારે આ અંગે યુવતીઓએ આસપાસનાં લોકોને જાણ કરતા લોકોએ યુવકને પકડીને મેથાપાક ચખાડ્યો હતો. જે બાદ યુવકને પોલીસને સોંપી દેવામાં આવ્યો હતો.
પોલીસને જોઈ ટોળું વિખેરાઈ ગયું હતું
આ સમગ્ર મામલે વેસુ પોલીસ મથકનાં પી.આઈ. ડી.યુ. બારડે જણાવ્યું હતું કે, શોપિંગ મોલ બગાર સાગર સુશીલ નેવટિયા (ઉ.વર્ષ.40) દ્વારા યુવતીઓ તેમજ મહિલાઓ સામે અશ્લીલ હરકત કરતો હતો. જે બાબતં કંટ્રોલ રૂમમાં જાણ કરતા અમારી ટીમ ઘટનાં સ્થળે પહોંચી ત્યારે ટોળાએ આધેડને માર માર્યો હતો. પોલીસને જોતા ટોળું વિખેરાઈ ગયું હતું. જે બાદ કંટ્રોલ રૂમમાં ફોન કરનાર વ્યક્તિ તેમજ છેડતી કરનાર યુવકને પોલીસ મથકે લઈ જઈ તેની પૂછપરછ હાથ ધરી હતી.
વધુ વાચોઃ ગુજરાત યુનિ.માં વિદેશી વિદ્યાર્થીઓના હુમલાખોરોની સામે કડક એક્શન લો- હર્ષ સંઘવીનો DG-CPને આદેશ
પોસ્ટમોર્ટમ રિપોર્ટ બાદ જ મોતનું સાચું કારણ બહાર આવી શકશે
આધેડ સાગસ સુશીલ નેવટિયાને પોલીસ મથક લાવી પૂછપરછ હાથ ધરતા તેણે પાણી પીવું છે તેમત છાતીમાં દુઃખાવાની ફરિયાદ કરી હતી. જે બાદ તે ઢળી પડ્યો હતો. જે બાદ તેને તાત્કાલીક સારવાર અર્થે સિવિલ હોસ્પિટલ લઈ જવામાં આવ્યો હતો. જ્યાં ફરજ પર હાજર ર્ડાક્ટરે તેને મૃત જાહેર કર્યો હતો. પોલીસ દ્વારા યુવકનાં મોતનું સાચુ કારણ જાણવા તેના મૃતદેહને સિવિલ હોસ્પિટલ ખાતે પીએમ અર્થે મોકલ્યો હતો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
