અવમાનના કેસ / જે જવાબ પ્રશાંત ભૂષણે આપ્યો હતો તે વધુ અપમાનજનક છે, સુપ્રીમ કોર્ટની ટિપ્પણી

• પ્રશાંત ભૂષણ કેસમાં એટર્ની જનરલે કરી અપીલ 
• ભૂષણને સજાને બદલે માત્ર ચેતવણી આપી છોડી દેવા કરી અપીલ 
• એટર્ની જનરલે કહ્યું, અન્ય પૂર્વ જજો પણ આ મુદ્દે બોલી ચૂક્યા છે

પ્રશાંત ભૂષણના કોર્ટની અવમાનના કેસમાં આજે એટર્ની જનરલે સુપ્રીમ કોર્ટમાં અપીલ કરી હતી કે ભૂષણને માત્ર ચેતવણી આપીને છોડી દેવામાં આવે. તેમને સજા આ આપવામાં આવે. 

શું કહ્યું સુપ્રીમ કોર્ટે?

જેના જવાબમાં સુપ્રીમ કોર્ટે કહ્યું હતું કે પ્રશાંત ભૂષણે તેમની ટિપ્પણીના જવાબમાં જે નિવેદન આપ્યું છે તે વધુ અપમાનજનક છે.  નોંધનીય છે કે છેલ્લી સુનાવણીમાં પ્રશાંત ભૂષણે 2009માં આપેલા પોતાના નિવેદન પ્રત્યે દુ:ખ વ્યક્ત કર્યું હતું, જો કે તેમણે તેના માટે વગર શરતે માફી માંગી નહોતી.  

શું કહ્યું હતું પ્રશાંત ભૂષણે 2009માં ?

પ્રશાંત ભૂષણે કહ્યું હતું કે 2009 માં આપેલ મારા નિવેદનનો અર્થ ભ્રષ્ટાચાર નહીં પરંતુ તેઓ પોતાની ફરજ સરખી રીતે નથી બજાવી રહ્યા તેની વાત કરવાનો હતો. નોંધનીય છે કે 2009માં પ્રશાંત ભૂષણે સુપ્રીમ કોર્ટના 8 પૂર્વ જજોને ભ્રષ્ટ કહ્યા હતા. 

અગાઉ પણ જજો બોલી ચૂક્યા છે આ મુદ્દે: એટર્ની જનરલ 

સુનાવણી દરમિયાન એટર્ની જનરલે કહ્યું હતું કે ન્યાયપાલિકામાં ભ્રષ્ટાચારને લઈને ઘણા પૂર્વ જજો પણ બોલી ચૂક્યા છે, માટે પ્રશાંત ભૂષણને માત્ર ચેતવણી આપીને છોડી મૂકવા જ વધુ હિતાવહ છે. આ પ્રકારના નિવેદનો માત્ર કોર્ટને એટલું કહેવા માટે હોય છે કે તેમની કામગીરી લોકોને અસ્પષ્ટ દેખાઈ રહી છે, તેનામાં સુધારની આવશ્યકતા છે. પ્રશાંત ભૂષણને આવ નિવેદનો ફરી ન આપવા માટે ચેતવણી દઈને છોડી મૂકવા જોઈએ.