ચોંકાવનારું નિવેદન / 'હું એ તો ના કહી શકું, કારણ કે મારો પરિવાર પણ અટકળો...', નિવૃત્તિને લઇ સુનીલ છેત્રીની સ્પષ્ટતા

• SAFF ચેમ્પિયનશિપ 2023માં સુનીલ છેત્રીનું શાનદાર પ્રદર્શન
• કેપ્ટન સુનીલ છેત્રીના સન્યાસને લઈને અટકળો
• સુનિલ છેત્રીએ જ નિવેદન આપી ફોડ પાડ્યો

ફૂટબોલ ટીમના ભારતીય કેપ્ટન સુનીલ છેત્રીએ SAFF ચેમ્પિયનશિપ 2023માં જોરદાર પ્રદર્શન કર્યું છે. અત્યાર સુધી  કેપ્ટન સુનિલે ત્રણ મેચમાં પાંચ ગોલ કરી બતાવ્યા છે. પાકિસ્તાન સામે હેટ્રિક તથા નેપાળ અને કુવૈત સામેં એક-એક ગોલ કરી છેત્રીએ યશસ્વી પ્રદર્શન કર્યું છે.અગાઉ 2008માં તેણે તાજિકિસ્તાન, 2010માં વિયેતનામ અને 2018માં તાઈવાન સામે ત્રણ ગોલ કર્યા હતા. ભારતે આ ત્રણેય મેચ જીતી હતી. હવે આજે 1 જુલાઈ (શનિવાર)ના રોજ રમાનારી લેબનોન સામેની સેમીફાઈનલ પર સૌની મીટ મંડાયેલી છે. બીજી બાજુ કેપ્ટન સુનીલ છેત્રીના સન્યાસને લઈને અટકળો વહેતી થઈ છે.

The long camp has helped this team get closer on and off the field 💙

There are two more games to play, and the #BlueTigers are prepared to give everything they can 🙌🏻#IndianFootball ⚽️ pic.twitter.com/Agi9rjVIaF

— Indian Football Team (@IndianFootball) June 30, 2023

સુનિલ છેત્રીની 38 વર્ષની ઉંમરને લઈને તેના સન્યાસ મામલે અનેક ચર્ચાઓ ચાલી રહી છે. ત્યારે આ મામલે સુનિલ છેત્રીએ જ નિવેદન આપી ફોડ પાડ્યો છે. તેઓએ જણાવ્યું કે તેમણે હજુ સન્યાસ માટે કોઈ સમયસીમા નક્કી કરી નથી. નોંધનીય છે કે, સુનિલે ભારત માટે કુલ 140 મેચ રમી અને 92 ગોલ કર્યા છે.સુનિલ છેત્રીએ લેબનોન સામેની મેચની પૂર્વ સંધ્યાએ કહ્યું સન્યાસ અંગે જણાવ્યું કે નિવૃત્તિ માટે તેણે પોતે 'કેટલાક માપદંડો નક્કી કર્યા છે. જે મામલે તેણે  કહ્યું કે હું વિચારું છું કે હું ટીમમાં યોગદાન આપી શકું છું કે નહીં? જેટલી તાલીમ મેળવવા માંગુ છું તેટલી કરી શકું છું કે નહીં? જેના પરિણામો પરથી નક્કી થઈ શકશે કે હું આ ટીમ માટે યોગ્ય છું કે નહીં. આવી સ્થિતિ વચ્ચે મને જ્યારે એવું લાગશે કે હું હવે આ ટીમ માટે અયોગ્ય છું ત્યારે હું ફૂટબોલ જગતને અલવિદા કહી દઈશ! તેવો પણ ઉલ્લેખ કર્યો હતો.

ત્હુંયારે  મારા આંકડા જણાવી દવ છું...
સાથે સુનિલે એવું પણ જણાવ્યું કે પરંતુ હું એ સમય નહીં બતાવી શકું કે એક વર્ષ તથા છ મહિના પછી હું નિવૃત્તિ લઈશ. આ મામલે મારા પરિવારજનો પણ અટકડો લગાવી રહ્યા છે તેમને મજાકિયા અંદાજમાં કહ્યું કે જ્યારે પણ તેઓ પરિવારજનો આ વાતનો ઉલ્લેખ કરે ત્યારે હું મારા આંકડા જણાવી દવ છું. સાથે છેત્રીએ લેબનીઝ ટીમ મજબૂત ગણાવી હળવાશથી મોંઘુ પડે તેવો ઉલ્લેખ કર્યો હતો.