ગેમ શૉ / VIDEO: 34 વર્ષ બાદ પાછું આવી રહ્યું છે તાકેશી કેસલ, ભુવન બામનો વીડિયો જોઈને બાળપણની યાદો તાજા થઈ જશે

• 34 વર્ષ બાદ ફેમસ ગેમ શૉનો રિબૂટ રિલીઝ થશે
• તાકેશી કેસલ ભારતીયોનાં બાળપણની અનેરી યાદોમાંનું એક છે
• ઈન્ફ્લુએન્સર ભુવન બામ આ શૉને હોસ્ટ કરશે

જાપાની ગેમ શૉ તાકેશી કેસલનું ધમાકેદાર ટ્રેલર રિલીઝ થયું છે. હસી-હસીને પેટ દુ:ખી જશે એવું આ ટ્રેલર દર્શકોને પોતાના બાળપણની યાદો તાજી કરાવે છે. એક્ટર અને કંટેંટ ક્રિએટર ભુવન બામનાં અલ્ટર ટીટૂ મામા આ શૉને હોસ્ટ કરવા જઈ રહ્યાં છે.

રિલીઝ થયું ટ્રેલર
ટ્રેલરમાં ભુવન બામ ટીટૂ મામાનાં રૂપમાં 90નાં દશકાનાં બાળકોની યાદો તાજી કરતાં દેખાઈ રહ્યાં છે. આ વખતે શૉમાં જાવેદ જાફરીની જગ્યાએ ભુવન બામ કમેન્ટ્રી કરતાં દેખાશે. ભુવનની યૂટ્યૂબ ચેનલ બીબી કી વાઈન્સ દુનિયાભરમાં પ્રસિદ્ધ છે.

34 વર્ષ બાદ આવી રહ્યું છે આ ગેમ શૉ
ત્રણ દશકાથી પણ વધારે સમય બાદ આ ગેમ શૉની નવી સીઝન લૉન્ચ થવાની છે. પ્રાઈમ વીડિયો પર આ શૉ 2 નવેમ્બરથી સ્ટ્રીમ થશે. જાપાની ગેમ શૉ તાકેશી કેસલને લઈને ભુવન ઘણાં એક્સાઈટેડ દેખાઈ રહ્યાં છે. તેમણે કહ્યું કે તાકેશી કેસલ મારા બાળપણનાં દિવસોનો અભિન્ન અંગ છે. જાવેદ સરની કમેંટ વિશે જ્યારે પણ વિચારું છું તો મને રોમાંચિત અનુભવ કરું છું. તેથી જ્યારે મને તેના રિહૂટનો હિસ્સો બનવાનો મોકો મળ્યો તો મારા ઉત્સાહની કોઈ સીમા ન રહી. તેથી મેં નિર્ણય કર્યો કે બીબી કી વાઈન્સનાં ટીટૂ મામાનાં દેસી લહેકામાં આ શૉને હોસ્ટ કરી શકાશે.

ભુવને માન્યો આભાર
ભુવને આગળ કહ્યું કે હું પ્રાઈમ વીડિયોનો આભારી છું કે તેમણે મને એક એવા શૉમાં કામ કરવાનો મોકો આપ્યો જે મારા ફેવરેટ શૉમાંનો એક છે. મને આશા છે કે દર્શક આ ગેમ-શૉ રિબૂટ અને તેમાં મારા દ્વારા સંભળાવવામાં આવતી સ્ટોરી સાંભળવાનું પસંદ કરશે.