- સુરતમાં યુવતીનુ શંકાસ્પદ રીતે મોત થતા પરિવારનો આક્ષેપ
- કોફી શોપમાં કોફી પીધા બાદ યુવતી થઇ હતી બેભાન
- ખટોદરા પોલીસે ઘટનાને લઇ તપાસ હાથ ધરી
સુરતમાં યુવતીનું શંકાસ્પદ હાલતમાં મોત નિપજ્યું છે, માનવામાં આવી રહ્યું છે કે કોફી શોપમાં યુવતી અચાનક બેભાન થઈને ઢળી પડી હતી. જે બાદ યુવતીને સારવાર અર્થે હોસ્પિટલ ખસેડવામાં આવી હતી...જો કે સારવાર દરમિયાન યુવતીને તબીબોએ મૃત જાહેર કરી છે..આમ કોફી પીધા બાદ યુવતીનું મોત થતા અનેક સવાલો ઉઠી રહ્યા છે..
કોફી પીધા બાદ યુવતીનું નિપજ્યુ મૃત્યુ
આ તરફ યુવતીનું મોત થતા પરિવારજનો દ્વારા હંગામો મચાવવામાં આવ્યો હતો.. પરિવારે અન્ય ધર્મના યુવકે ઝેરી પદાર્થ કોફીમાં ભેળવી દીધો હોવાનો પણ પરિવારે આક્ષેપ લગાવ્યો છે..પરિવાર કહી રહ્યો છે કે દીકરીએ યુવક સાથે કોફી પીધી હતી.. જે બાદ તે બેભાન થઈ જતા તેને સારવાર અર્થે ખસેડાઈ હતી..જો કે કોફી પીધા બાદ યુવતીનું મોત નિપજતા સમગ્ર મામલે ખટોદરા પોલીસમાં ફરિયાદ નોંધાઈ છે...તો આ મામલે પોલીસે વધુ તપાસ હાથ ધરી છે..
ખટોદરા પોલીસે ઘટનાને લઇ તપાસ હાથ ધરી
મૃતક યુવતી બીએડની વિદ્યાર્થિની હોવાનું પણ મનાઈ રહ્યું છે એક ની એક દીકરીને અન્ય યુવકે ઝેર આપી મારી નાખી હોવાનો પરિવારે આક્ષેપ કરવામાં આવી રહ્યો છે આ મામલે પોલીસ દોડતી થઈ ગઈ છે. દીકરીના પરિવાર દ્વારા યુવકની ધરપકડ કરવામાં આવે તેવી માંગ કરવામાં આવી રહી છે અને ધરપકડ ન થાય ત્યાં સુધી દીકરીની અંતિમ વિધિ કરવાનો પણ ઈન્કાર કરી દીધો છે.. પરિવારે સમાજ સાથે હોવાનો દાવો કર્યો છે તો આ તરફી દીકરીના પિતા મુંબઈથી સુરત આવવા નીકળી ગયા છે. સુરત આવ્યા બાદ પોસ્ટ મોર્ટમ કાર્યવાહી કરવામાં આવે તેવું માનવામાં આવી રહ્યું છે.. સમગ્ર ઘટનાને લઈને સ્થાનિક પોલીસ દોડતી થઈ ગઈ છે..
