કાર્યવાહી / સુરત પોલીસની ફરી મેગા ડ્રાઈવઃ 100થી વધુ લોકોને કરી અટકાયત

સુરત શહેર પોલીસની ફરી મેગા ડ્રાઈવ શરૂ કરી છે. 100થી વધુ લોકોની પોલીસે અટકાયત કરી છે. મહિધરપુરા, કતારગામ વિસ્તારમાં પોલીસ મેગા ડ્રાઇવ  કરી હતી. આથી 100થી વધુ લોકોને પોલીસ સ્ટેશનમાં લાવવામાં આવ્યા છે.

મહત્વનું છે કે, સુરત પોલીસ નશાખોરો વિરૂદ્ધ કડક કાર્યવાહી કરી રહી છે. ગઇકાલે સુરત પોલીસે 180 જેટલા યુવકોની અટકાયત કરી હતી. અડાજણ અને ઉમરા પોલીસે આ કાર્યવાહી કરી હતી. સુરતના અલગ અલગ વિસ્તારમાંથી નશાનું સેવન કરનારા યુવકોની અટકાયત કરી હોવાની માહિતી મળી રહી હતી. તમામ યુવકોના વાહનો ડિટેઇન કરાયા હતા.

મળતી માહિતી મુજબ આજે રાત્રે જ તમામનો ટેસ્ટ કરવામાં આવ્યો હતો. સુરત પોલીસે બાતમીને આધારે આ કાર્યવાહી કરવામાં આવી હતી. અટકાયત કરાયેલા 180માંથી 170 લોકોને પોલીસે મુક્ત કર્યા હતા. જ્યારે ઉમરા પોલીસે 10 યુવકોની ધરપકડ કરી હતી. નશાની હાલતમાં વાહન ચલાવતા યુવકોની ધરપકડ કરવામાં આવી હતી.

સ્થાનિકો દ્વારા પોલીસને ફરિયાદ કરવામાં આવી હતી કે યુવાનો નશામાં વાહન ચલાવે છે. ત્યારબાદ પોલીસે ઉમરા અને અડાજણમાં મેગા ડ્રાઇવ કરી હતી. શહેરભરમાં સુરત પોલીસ અલગ અલગ વિસ્તારોમાં ડ્રાઇવ કરશે અને જે કોઇ દારૂ પીધેલા હશે તેમને ઝડપી લેવામાં આવશે.