કડક કાર્યવાહી / હેટ સ્પીચને મામલે સુપ્રીમ કોર્ટની ટકોર, કહ્યું- આવા લોકો સામે તાત્કાલિક કડક કાર્યવાહી કરો

• સર્વોચ્ચ અદાલતે હેટ સ્પીચને લઈને કડકાઈ દાખવી
• નફરત ફેલાવનાર ભાષણ આપનારા સામે કડક કાર્યવાહી થશે

સર્વોચ્ચ અદાલતે નફરત ફેલાવનારા ભાષણ અંગે કડકાઈ દાખવી છે. સુપ્રીમ કોર્ટે નફરત ફેલાવનાર ભાષણ આપનારાઓ સામે તાત્કાલિક કાર્યવાહી કરવાનું કહ્યું છે. તેમણે કહ્યું કે ધર્મને ધ્યાનમાં લીધા વગર તાત્કાલિક પગલાં લેવા જોઈએ. દેશમાં નફરતનું વાતાવરણ છવાઈ ગયું છે. સુપ્રીમ કોર્ટે કહ્યું કે નફરત ફેલાવનારા નિવેદનો પરેશાન કરનાર છે. આવા નિવેદનો સહન કરી શકાય નહીં. જસ્ટિસ કેએમ જોસેફ અને તેમની બેન્ચે કહ્યું કે 21મી સદીમાં શું થઈ રહ્યું છે? ધર્મના નામે ક્યાં પહોંચી ગયા છીએ? આપણે ભગવાનને કેટલા નાના બનાવી દીધા છે? ભારતનું બંધારણ વૈજ્ઞાનિક સ્વભાવ વિકસાવવાની વાત કરે છે.

વાસ્તવમાં, સુપ્રીમ કોર્ટ "ભારતમાં મુસ્લિમ સમુદાયને નિશાન બનાવવા અને આતંકિત કરવાના વધતા જતા જોખમ"ને રોકવા માટે તાત્કાલિક હસ્તક્ષેપની માંગ કરતી અરજી પર સુનાવણી કરી રહી છે. સુપ્રીમ કોર્ટે ગુરુવારે પણ આ મામલે કેન્દ્ર પાસેથી જવાબ માંગ્યો હતો. ઉલ્લેખનીય છે કે, શાહીન અબ્દુલ્લાએ આ મામલે સુપ્રીમ કોર્ટમાં અરજી દાખલ કરી છે. તેમણે કોર્ટ પાસે સમગ્ર દેશમાં દ્વેષપૂર્ણ ભાષણની ઘટનાઓની નિષ્પક્ષ, વિશ્વસનીય અને સ્વતંત્ર તપાસ માટે કેન્દ્ર સરકારને નિર્દેશ આપવાની માંગ કરી છે.

દોષિતો સામે કડક કાર્યવાહી કરો - સિબ્બલ
સુપ્રીમ કોર્ટમાં શાહીન વતી વરિષ્ઠ વકીલ કપિલ સિબ્બલ હાજર થયા હતા. તેમણે કહ્યું કે આ સમસ્યાનો સામનો કરવા માટે કંઈક કરવું જોઈએ. ઉપરાંત, જે વ્યક્તિ દ્વેષપૂર્ણ ભાષણ માટે દોષિત ઠરે તેની સામે કડક કાર્યવાહી થવી જોઈએ