નિવેદન / અમિત શાહને ખેલ મંત્રાલયમાં મોકલી દો', મણિપુર હિંસા મામલે ભડક્યાં સુબ્રમણ્યમ સ્વામી, જાણો શું બોલ્યાં

• આકરી હિંસાને પગલે ભડકે બળતું મણીપુર
•  સુબ્રમણ્યમ સ્વામીએ પોતાની પાર્ટી પર આકરા પ્રહારો કર્યા
• ગૃહ મંત્રી અમિત શાહ પર શાબ્દિક વાર 

આકરી હિંસાને પગલે મણીપુર ભડકે બળી રહ્યું છે. આવી સ્થિતિ વચ્ચે અનેક લોકોના મોત નીપજ્યા છે. ત્યારે આ ઘટનાને ધ્યાનમાં રાખી અને ભાજપના જ નેતા સુબ્રમણ્યમ સ્વામીએ પોતાની પાર્ટી પર આકરા પ્રહારો કર્યા હતા. તેમણે ગૃહ મંત્રી અમિત શાહ પર શાબ્દિક વાર કર્યો હતો.સુબ્રમણ્યમ સ્વામીએ આજે શનિવારે (17જૂન) ના રોજ ટ્વીટર માફરતે સવાલો કર્યા હતા. તેમણે રાજ્યમાં કેન્દ્રીય શાસન લાદવાની હિમાયત કરીને ગૃહ મંત્રી અમૃત શાહને ઘેર્યા હતા.

Time is now to sack the BJP Manipur Govt and impose Central Rule under Article 356 of the Constitution. Send Amit Shah to Sports Ministry.

— Subramanian Swamy (@Swamy39) June 17, 2023

ટ્વીટમાં સુબ્રમણ્યમ સ્વામીએ કહ્યું કે મણીપુર હિંસાને પગલે મણીપુરમાંથી ભાજપ સરકારને બરતરફ કરી અને બંધારણની કલમ 356 મુજબ કેન્દ્રીય શાસન લાદી દેવાનો સમય આવી ગયો છે અને અમિત શાહને રમત મંત્રાલયમાં મોકલી દેવા જોઈએ. તેવો કટાક્ષ કર્યો હતો. હિંસાને પગલે હાલ રાજ્યના કરફ્યુ લાદી દેવાયો છે. નેટ સેવા પર પણ રોક લગાવી દેવામાં આવી છે. ત્યારે અમિત શાહે શાંતિ સ્થાપવાના પ્રયાસના ભાગરૂપે મુકલાત લીધી હતી સરકારે શાંતિ સમિતિની રચના પણ કરી છે.

શુ છે સમગ્ર મામલો?

હિંસાની વાત કરવામાં આવે તો લગભગ દોઢ મહિના પહેલા મણિપુરમાં મેઇતેઈ અને કુકી સમુદાયના લોકો વચ્ચે ઘર્ષણ થયું હતું. ત્યારબાદ હિંસાનું રુપ ધારણ કરી લીધું હતું. જેને લઇને અત્યાર સુધીમાં 100થી વધુ લોકો મોતના ખપ્પરમાં હોવામાં હોવાનું પણ જાણવા મળી રહ્યું છે. મેઇતેઇ સમુદાયની માંગ એવી છે કે અનુસૂચિત જનજાતિ (ST)નો દરજ્જો આપવામાં આવે. મેઇતેઇ સમુદાયની આ માંગના વિરોધમાં 3 મેના રોજ પર્વતીય વિસ્તારોમાં આદિવાસી એકતા કૂચનું આયોજન કરવામાં આવ્યું હતું, ત્યારબાદ હિંસા ફાટી નીકળી હતી.