ક્રાઇમ / ગ્રાહકના સ્વાંગમાં મહિલાઓની ગજબ ટેક્નિક! D-Martમાં જઇને કાજુ-બદામના 15 પેકેટ એવી જગ્યાએ છુપાવ્યાં કે...

• ડી માર્ટમાં ગ્રાહકના સ્વાંગમાં ચોરી કરતી મહિલાઓ ઝડપાઈ
• મેનેજરને શંકા જતા મહિલા કર્મચારી જોડે તપાસ કરાવતા સમગ્ર ભાંડો ફૂટ્યો
• પોલીસે અમદાવાદ, બોટાદની મહિલાઓની અટકાયત કરી

અમદાવાદ શહેરના એસજી હાઈવે નજીક આવેલ એક વિસ્તારનાં મોલમાંથી કેટલીક મહિલાઓ ગ્રાહકના સ્વાંગમાં જઈ આંતરવસ્ત્રમાં ઘીના પાઉચ, બદામ તેમજ કાજુનું પેકેટ છુપાવી દીધા હતા. ત્યારે મેનેજરને આ બાબતે અજુગતું લાગતા મહિલા કર્મચારીઓને બોલાવી ત્રણેય મહિલાઓની તપાસ કરતા તેઓની પાસેથી પેકેટ નીકળ્યા હતા.

મેનેજરને શંકા જતા મહિલા કર્મચારીઓને તપાસ કરવા કહ્યું
અમદાવાદના એસજી હાઈવે પર સેટેલાઈટમાં આવેલ ડી માર્ટ મોલમાં વિક્રાંત પાઠક મેનેજર તરીકે ફરજ બજાવે છે.  રવિવારે મોલમાં ભીડ વધુ હતી. ત્યારે સાંજના સુમારે મેનેજ રાઉન્ડમાં નીકળ્યા હતા. તે દરમ્યાન કેટલીક મહિલાઓ ફ્રુટ  વિભાગમાં ખરીદી કરી રહી હતી અને 3 મહિલાઓ સાઈડમાં ઉભી રહી ચર્ચા કરી રહી હતી. જેઓ પર મેનેજરને શંકા જતા તેઓએ મહિલા કર્મચારીઓને બોલાવી તેઓની તપાસ કરવાનું કહ્યું હતું.  
પોલીસે અમદાવાદ, બોટાદની મહિલાઓની અટકાયત કરી
મોલની મહિલા કર્મચારીઓ દ્વારા તે ત્રણેય મહિલાઓની તપાસ હાથ ધરતા તેઓની પાસેથી ઘીના 9 પેકેટ, બદામના 5 પેકેટ તેમજ કાજુનાં પેકેટ મળી કુલ રૂ.8038 ની કિંમતની વસ્તુઓ મળી આવી હતી.  આ અંગે ડી માર્ટના મેનેજરે વેજલપુર પોલીસ મથેક ફરિયાદ નોંધાવી છે. ત્યારે પોલીસે મહિલાઓની પૂછપરછ કરતા અમરેલી, બોટાદની મહિલાની અટકાયત કરી હતી.