- વાવાઝોડાના હાઉ વચ્ચે બનાસકાંઠામાં વરસાદી વાતાવરણ
- હવામાન વિભાગના ડાયરેક્ટર મનોરમાં મોહંતીનું નિવેદન
- વાવાઝોડાની ગુજરાતને વધુ અસર કરે તેવી કોઈ શકયતા નથી
ગુજરાત માથે હાલ બે-બે વાવાઝોડાની સ્થિતિના ભણકારા વાગી રહ્યા હતા. પરંતુ હવે વાવાઝોડાની અસર મામલે હવામાન વિભાગના ડાયરેક્ટર મનોરમાં મોહંતીનું નિવેદન સામે આવ્યું છે અને તેમણે જણાવ્યું કે ગુજરાતમાં આગામી પાંચ થી સાત દિવસ વરસાદની હાલ કોઈ શક્યતા નથી અને વાવાઝોડાની અસર પણ ધીમી પડી રહી છે. તેઓએ તેજ વાવાઝોડા અંગે માહિતી આપતા જણાવ્યું કે આ સાયક્લોન હવે વેરી સિવિયરમાંથી નબળું પડીને સિવિયર સાઇકોલોન બની ગયું છે અને તેમની ડાયરેક્શન નોર્થ વેસ્ટ બાજુ છે. જે યમન કોસ્ટને 24મી ઓક્ટોબરના રોજ ક્રોસ કરે તેવી શકયતા જોવા મળી રહી છે.
.JPG)
બનાસકાંઠાના ઇકબાલગઢમાં વરસાદ
હવામાન વિભાગના ડાયરેક્ટર મનોરમાં મોહંતીના જણાવાયા અનુસાર ગુજરાતમાં આગામી પાંચ દિવસ વરસાદની શક્યતા નથી અને મહત્તમ તથા લઘુતમ તાપમાનમાં મોટો ફેરફાર થાય તેવું કોઈ શક્યતા જોવાય રહી નથી. હાલ સવારનું તાપમાન 36 થી 38 ડિગ્રીનું રહેશે અને રાતના તાપમાનમાં 21 થી 24 સુધી રહે તેવું જણાઈ રહ્યું છે. આ વાવાઝોડાની ગુજરાતને વધુ અસર કરે તેવી કોઈ શકયતા નથી પરંતુ તેમની અસરના ભાગરૂપે બનાસકાંઠાના ઇકબાલગઢમાં વરસાદ શરૂ થઈ ચૂક્યો છે. ચોમાસાની સત્તાવાર વિદાય વચ્ચે પણ વરસાદ ત્રાટકતા ખેડૂતો ચિંતામાં મુકાયા છે. કારણ કે એક બાજુ મગફળી કપાળ સહિતનો પાક તૈયાર છે. ત્યારે ખેડૂતોનાં મગફળીના પાકોને નુકસાન થવાની ભીતિ સેવાઇ રહી છે. હાલ જિલ્લા ભરમાં વાદળછાયું વાતાવરણ છવાયુંછે.
ગુજરાતના દરિયાકાંઠે પણ કોઈ સમસ્યા આવે તેવી શક્યતાઓ નથી
વાવાઝોડાની ગુજરાત પર અસર અંગે તેઓએ જણાવ્યું કે હાલ વાવાઝોડાની ગુજરાત પર કોઈ અસર થાય તેવી સંભાવના વર્તાઈ રહી નથી. એટલું જ નહીં ગુજરાતના દરિયાકાંઠે પણ કોઈ સમસ્યા આવે તેવી શક્યતાઓ નથી પરંતુ માછીમારોને સતર્કતા રાખવા જણાવાયું છે.
નોંધનીય છે કે ભારતીય હવામાન વિભાગ દ્વારા આજે તેજ વાવાઝોડુ ક્યાં અને કઈ દિશામાં આગળ વધી રહ્યું છે? તે મામલે સવારે 3.23 કલાકે અપડેટ આપવામાં આવ્યું હતું જેમાં જણાવ્યા અનુસાર વાવાઝોડું નોર્થ વેસ્ટ મૂવ થઇ શકે છે અને વેરી સિવિયર સાયક્લોન થઇને 24 ઓક્ટોબરની આસપાસ યમનની નજીક યમનના દરિયાકાંઠાને પાર કરવાની સંભાવના છે.
