SHORT & SIMPLE / મજબૂત ઓપનિંગ સાથે શેરમાર્કેટની ધમાકેદાર શરૂઆત: સેન્સેક્સે વટાવ્યો 59 હજારનો આંક, તો નિફ્ટી પણ 17 હજારને પાર

• પહેલા દિવસે શેરબજારમાં ઘણા ફેરફારો જોવા મળી રહ્યા
• સેન્સેક્સના 30 માંથી માત્ર 11 શેર તેજી સાથે ટ્રેડ થઈ રહ્યા હતા
• 19 શેરોમાં ઘટાડો નોંધાઈ રહ્યો છે 

અઠવાડિયાના પહેલા જ દિવસે શેરબજારમાં ઘણા ફેરફારો જોવા મળી રહ્યા છે. જો કે આ અઠવાડિયાની શરૂઆત સારી રીતે થઈ છે. 

બીએસઈનો સેન્સેક્સ આજે 170.63 પોઈન્ટના ઉછાળા પછી 59,825.69 પર ખૂલ્યો હતો અને આ સિવાય NSEનો 50 શેરવાળો ઈન્ડેક્સ નિફ્ટી 43.45 પોઈન્ટના વધારા સાથે 17,667.50 પર ખુલ્યો હતો. 

Sensex climbs 170.63 points to 59,825.69 points in early trade; Nifty rises 43.45 points to 17,667.50 points

— Press Trust of India (@PTI_News) April 24, 2023

બજાર ખૂલ્યાની 25 મિનિટ પછી, BSE સેન્સેક્સના 30 માંથી માત્ર 11 શેર તેજી સાથે ટ્રેડ થઈ રહ્યા હતા અને 19 શેરોમાં ઘટાડો નોંધાઈ રહ્યો છે. આ સિવાય NSE નિફ્ટીના 50માંથી 21 શેરોમાં તેજી સાથે ટ્રેડિંગ જોવા મળી રહ્યું છે અને 29 શેરોમાં ઘટાડો નોંધાઈ રહ્યો છે. 

સેન્સેક્સના દિગ્ગજો માટે છેલ્લું અઠવાડિયું ખાસ કરીને ખરાબ રહ્યું હતું. ગયા સપ્તાહે સેન્સેક્સની ટોચની 10 કંપનીઓમાંથી આઠની માર્કેટ મૂડીમાં સામૂહિક રીતે રૂ. 1,17,493.78 કરોડનો ઘટાડો થયો હતો. ઈન્ફોર્મેશન ટેક્નોલોજી (IT) સેક્ટરમાં ઈન્ફોસિસ સૌથી વધુ ખોટમાં હતી. રિલાયન્સ ઇન્ડસ્ટ્રીઝ, ટાટા કન્સલ્ટન્સી સર્વિસિસ (TCS), HDFC બેન્ક અને ICICI બેન્ક એ આઠ કંપનીઓમાં સામેલ હતી જેણે સપ્તાહ દરમિયાન ખોટ નોંધાવી હતી. માત્ર ITC અને સ્ટેટ બેંક ઓફ ઈન્ડિયા (SBI)એ જ તેમની માર્કેટ મૂડીમાં વધારો કર્યો છે.