ખેડામાં સિરપનાં કારણે 5 લોકોનાં મોત નિપજ્યા બાદ પોલીસ દ્વારા સિરપ વેચતા વિક્રેતાઓ પર રાજ્યવ્પાયી દરોડા પાડ્યા હતા. સિરપ મામલે 12 એફઆઈઆર તથા 92 જાણવાજોગ ફરિયાદ દાખલ થઈ હતી.
Share
ખેડામાં સિરપનાં કારણે થયેલા મોત મામલે રાજ્યવ્યાપી દરોડા
12 એફઆઈઆર તથા 92 જાણવાજોગ ફરિયાદ દાખલ થઈ
22 આરોપીઓની ધરપકડ તો 391 લોકો સાથે બેઠકો કરવામાં આવી
ખેડામાં સિરપ કાંડ બાદ સફાળી જાગેલ ગુજરાત પોલીસ દ્વારા સમગ્ર રાજ્યમાં સ્પેશ્યલ ડ્રાઈવ યોજી સીરપ વેચતા લોકો સામે પોલીસ દ્વારા કાયદેસરની કાર્યવાહી હાથ ધરી છે. જેમાં પોલીસ દ્વારા સીરપ વેચતા રાજ્યવ્યાપી 3271 સ્થળો પર પોલીસે દરોડા પાડ્યા હતા. જેમાં ગેરકાયદેસર રીતે સીરપ વેચતા 6 આરોપીઓની ધરપકડ કરવામાં આવી છે. જ્યારે સીરપ મામલે 12 એફઆઈઆર તથા 92 લોકો સામે જાણવા જોગ ફરિયાદ દાખલ થઈ છે. રાજ્યમાં સિરપ મામલે કુલ 22 આરોપીઓની ધરપકડ તો 391 લોકો સાથે બેઠકો કરવામાં આવી હતી.
કોર્ટે આરોપીઓનાં 10 દિવસનાં રિમાન્ડ મંજૂર કર્યા
ખેડાનાં બિલોદરામાં પકડાયેલ બોગસ સિરપ કાંડ મામલે પોલીસ દ્વારા પકડાયેલા ત્રણ આરોપીઓને કોર્ટમાં રજૂ કર્યા હતા. નડીયાદ ગ્રામ્ય પોલીસે આરોપીઓનાં 14 દિવસનાં રિમાન્ડ માંગ્યા હતા. ત્યારે કોર્ટે આરોપીઓનાં 11 ડિસેમ્બર સુધીનાં રિમાન્ડ મંજૂર કર્યા હતા. ત્યારે હાલ આ સમગ્ર મામલે એસઆઈટી તપાસ ચલાવી રહી છે. સમગ્ર કેસની એસઓજી પીઆઈ ડી.એન.ચુડાસમા કરી રહ્યા છે.
આરોપી ભાવેશ સેવકાણી ધરાવે છે ગુનાહિત ઈતિહાસ
ખેડાનાં સિરપકાંડમાં આરોપી વિશે અનેક ખુલાસાઓ થઈ રહ્યા છે. જેમાં ભાવેશ સેવકાણી ગુનાહિત ઈતિહાસ ધરાવે છે. ભાવે સામે વડોદરા, શહેરા અને રાજકોટમાં પણ ફરિયાદ નોંધાવવા પામી છે.
SITની રચના કરવામાં આવી છેઃ ખેડા SP
Dy.SP ની અધ્યક્ષતામાં SIT ની રચના કરવામાં આવી છે. કિશોર અને ઈશ્વર બંને કરીયાણાની દુકાનમાં સિરપ વેચતા હતા. યોગેશ સિંધી નામનાં વ્યક્તિ પાસેથી સિરપ લાવતા હતા. વડોદરાનાં 2 લોકો પાસેથી દિવાળી પહેલા સિરપ મંગાવી હતી. મિથેનોલ આલ્કોહોલ લેબ ટેસ્ટ સેમ્પલમાં મળી આવ્યા છે. મિથેનોલનું પ્રમાણ મળી આવ્યું હતું. યોગેશ અને વડોદરાનાં 2 લોકો સામે કાર્યવાહી કરાઈ રહી છે. મેન્યુફેક્ચરિંગ ક્યાં થતું તે તપાસ ચાલી રહી છે. તેમજ જીલ્લાની તમામ હોસ્પિટલમાં દર્દીઓની તપાસ કરવામાં આવી છે.
