નિવેદન / VIDEO: ટામેટા એકમાત્ર ખાવાની ચીજ નથી... મોંઘવારીના સવાલ પર હસતાં-હસતાં મંત્રી ઋષિકેશ પટેલે જુઓ કેવો જવાબ આપ્યો

• ટામેટા અંગે કેબિનેટ મંત્રી ઋષિકેશ પટેલનું નિવેદન
• ટામેટા અંગે પૂછતા મંત્રી ઋષિકેશ પટેલનો જવાબ
• ટામેટા એકમાત્ર ખાવાની ચીજ નથીઃ ઋષિકેશ પટેલ

દેશભરમાં સતત પડી રહેલા વરસાદે શાકભાજી અને ફ્રૂટના ભાવમાં આસમાની વધારો કરી દીધો છે. મોંઘવારીના ભયાનક ઓવરડોઝથી આમ જનતા રીતસર ત્રાહિમામ્ પોકારી ગઈ છે. ટામેટા અને શાકભાજીના ભાવમાં ધરખમ વધારો થતા ગૃહિણીઓને રોજ શું બનાવું તેની ચિંતા વધી છે. ટામેટાના ભાવને લઈને પૂછવામાં આવેલા સવાલનો રાજ્ય સરકારના પ્રવક્તા મંત્રી ઋષિકેશ પટેલે ચોંકાવનારો જવાબ આપ્યો છે. 

વસ્તુઓના ભાવ માંગ-પુરવઠાના આધારે નક્કી થાય છેઃ ઋષિકેશ પટેલ
સરકારના પ્રવક્તા મંત્રીને પ્રેસ કોન્ફરન્સમાં ટામેટાના વધતા ભાવને લઈને સવાલ પૂછવામાં આવ્યો હતો. જેના જવાબમાં તેઓએ જણાવ્યું કે આમ તો જોવા જઈએ તો ટામેટા એકમાત્ર ખાવાની ચીજ નથી. પરંતુ ટામેટા, બટાકા, શાકભાજી આ તમામે તમામ વસ્તુઓ જે જીવન જરૂરિયાત અને સવારના કોઈપણ ગૃહિણીને જરૂર પડે એવી તમામ બાબતો ડિમાન્ડ સપ્લાયના આધારે પણ નક્કી થતી હોય છે. પરંતુ જેમ જેમ સમય બદલાય અને આ પણ તમે આગામી સમયમાં જોશો તો શાકભાજીના ભાવ હોય કે બીજા સપ્લાય વધતાથી સાથે જ ભાવ કંટ્રોલમાં આવી જશે. 

ગુજરાત સરકારના પ્રવક્તા મંત્રી ઋષિકેશ પટેલનું નિવેદન