અટકળો / રાજકોટના નવા પોલીસ કમિશ્નર કોણ? આ બે નામો ચર્ચામાં સૌથી મોખરે

• રાજકોટમાં નવા CPના નામને લઈને અટકળો શરુ
• રાજુ ભાર્ગવ અને સમશેરસિંહનું નામ ચર્ચામાં
• ગૃહ વિભાગ ટૂંક સમયમાં કરી શકે છે જાહેરાત

નવા પોલીસ કમિશનર તરીકે બે નામ ચર્ચામાં

રાજકોટના બહુ ચર્ચિત તોડ્કાંડની તપાસ અને પોલીસ કમિશનર મનોજ અગ્રવાલની બદલી બાદ હવે રાજકોટના નવા પોલીસ કમિશનર કોણ તે ચર્ચા કે મુહિમ તેજ બની છે. મહત્વનું છે કે, 5 જેટલા IPS ઓફિસરના નામ રાજકોટ સી.પી. તરીકે ચર્ચામાં હતાં. જો કે, સૂત્રોના જણાવ્યા અનુસાર હાલ IPS અધિકારી રાજુ ભાર્ગવ અથવા વડોદરાના પોલીસ કમિશનર સમશેરસિંહનું નામ રાજકોટના નવા સી.પી.તરીકે હશે તેવું જોર પકડયું છે.

ગૃહ વિભાગ દ્વારા ટૂંક સમયમાં જાહેરાત થઇ શકે છે

ઉલ્લેખનીય છે કે, રાજકોટ શહેર કમિશનર અગ્રવાલ કે ક્રાઈમ બ્રાન્ચ સામે અગાઉ કોઈ કથિત કમિશનકાંડ કે જમીનોના, હવાલાઓના કામો કર્યાના આક્ષેપો ન હતા અને ઓન પેપર રાજકોટ પોલીસ પોલીસ કમિશનરની છબી પૂર્વ મુખ્યમંત્રીના કાળમાં ઉજળી હતી, એ સમયે જ સી.પી. અગ્રવાલનો ત્રણ વર્ષનો રાજકોટ પોલીસ કમનિશનર તરીકેનો કાર્યકાળ પુરો થયો હોવાની રેગ્યુલર બદલી આવશેની અને નવા કોણ તેવી વાતો ચાલતી હતી. જો કે મુખ્યમંત્રી ચેન્જ થયા સરકારનો તખ્તો બદલાયા બાદ ચિત્રપણ બદલાઈ ગયું હતું.

ઉચ્ચ IPS અધિકારીઓની બદલીનો તખ્તો તૈયાર

રાજકોટ પોલીસ કમિશનર અગ્રવાલ અને તેની ક્રાઈમ બ્રાન્ચની ટીમ સામે લાખોના કમિશન લીધાના કથિત આક્ષેપો સામે ઈન્કવાયરી બાદ મનોજ અગ્રવાલને પોલીસબેડામાં ચર્ચાતી વિગતો મુજબ સાઈડલાઈન ગણાતી અને એક સમયે એસપી રેંકની પોસ્ટ જૂનાગઢ એસઆરપીની ટ્રેનિંગ સેન્ટરના પ્રિન્સિપાલ તરીકે પોસ્ટ અપગ્રેડ કરીને અગ્રવાલને ત્યાં મુકી દેવાયા છે. 

મનોજ અગ્રવાલની બદલી બાદ હાલમાં ઇન્ચાર્જ કમિશનર

હાલ રાજકોટ પોલીસ કમિશનરનો ચાર્જ અહેમદ ખુરશીદ પાસે છે. ત્યારે હાલ  રાજકોટમાં નવા સી.પી. તરીકે રાજુ ભાર્ગવ અને વડોદરાના પોલીસ કમિશનર સમશેરસિંહનું પણ નામ ચર્ચામાં આવ્યું હતું. એક તબકકે રાજકોટની વર્તમાન સ્થિતિ જોતા ડેમેજ કંટ્રોલ કરવા સમશેરસિંહ આવશે તેવી ચર્ચાઓ વધુ મજબૂત બની હતી.