ક્રાઈમ / દિલ્હીમાં નજીવી બાબતે સિક્કીમ પોલીસનો જવાન વિફર્યો, 3 સાથીઓની ગોળી મારીને હત્યા કરી નાખી

• દેશમાં સાથી જવાનો પર સાથીના ગોળીબારની ઘટનાઓ વધી 
• હવે દિલ્હીમાં સિક્કીમ પોલીસનો જવાન ભાન ભૂલ્યો
• પોતાના 3 સાથીઓની ગોળી  મારીને કરી હત્યા 
• એકબીજા ઝગડતા જવાન ઉશ્કેરાયો 

સાથી જવાનો પર જવાનના ગોળીબારની વધુ એક ઘટના બનતા નવો સવાલ ઊભો થયો છે. રાષ્ટ્રીય રાજધાનીના રોહિણી વિસ્તારમાં સિક્કિમ પોલીસના એક જવાને પોતાના જ ત્રણ સાથીઓ પર ગોળીબાર કર્યો હતો જેમાં 2 સાથીઓના ઘટનાસ્થળે મોત થયા હતા જ્યારે એક સાથીને ગોળી વાગતા તેને હોસ્પિટલમાં દાખલ કરાયો હતો જ્યાં સારવાર દરમિયાન તેનુ મોત થયું હતું. 

A Sikkim Police personnel posted at a water plant in the Haiderpur area of Delhi shot 3 personnel, after which 2 were killed & one was injured: Delhi Police

— ANI (@ANI) July 18, 2022

એકબીજા ઝગડ્યા, જવાને 3 સાથીઓ પર છોડી ગોળી 
રોહિણી વિસ્તારમાં તહેનાત સિક્કીમ પોલીસના ચાર જવાનો વચ્ચે કોઈ કારણસર માથાકૂટ થઈ હતી તેને કારણે એક જવાન ઉશ્કેરાઈ ગયો હતો અને તેની પાસે રહેલી બંદૂકથી સાથીઓ પર ગોળીઓ છોડી હતી અને તેમાં 3 સાથીઓના મોત થયા હતા. આ ઘટનાને પગલે રોહિણી વિસ્તારમાં માહોલ ગરમ થઈ ગયો હતો અને લોકોમાં ડર ફેલાયો હતો. પોલીસે તાબડતોબ આરોપી જવાનની ધરપકડ કરી લીધી હતી. 

ઉધમપુરમાં જવાને 3 સાથીઓ પર કર્યો ગોળીબાર, પછી જાતને ગોળી મારી 
જવાનના પોતાના સાથીઓ પર ફાયરિંગની ઘટના જમ્મુ-કાશ્મીરના ઉધમપુરમાં પણ જોવા મળી હતી, જ્યાં એક કેમ્પ પર ઇન્ડો-તિબેટિયન બોર્ડર પોલીસ (આઇટીબીપી)ના એક જવાને શનિવારે તેના ત્રણ સાથીઓને ગોળી મારીને ઘાયલ કરી દીધા હતા અને બાદમાં તેમને ગોળી મારીને આત્મહત્યા કરી લીધી હતી. અધિકારીઓએ જણાવ્યું હતું કે આ ઘટના જિલ્લાના દેવિકા ઘાટ સમુદાય કેન્દ્રમાં બપોરે 2.30 વાગ્યે બની હતી. આઇટીબીપીના એક વરિષ્ઠ અધિકારીએ જણાવ્યું હતું કે કોન્સ્ટેબલ ભૂપેન્દ્રસિંહે તેના સાથીઓ પર ગોળીબાર કર્યો હતો, જેમાં એક હેડ કોન્સ્ટેબલ અને બે કોન્સ્ટેબલ ઘાયલ થયા હતા.