ક્રિકેટ / IND Vs WI: ભારતીય ટીમની 3 ખામીઓને દ્રવિડ અને ધવને કરવી પડશે દૂર, નહીં તો સીરીઝમાં થઇ શકે છે હાર

• ભારતીય ટીમ વેસ્ટ ઈન્ડીઝ સામે 22 જુલાઈએ પહેલી વન-ડે રમશે
• શિખર ધવન અને કોચ દ્રવિડે ત્રણ સમસ્યાઓનો ઉકેલ લાવવો પડશે
• ધવનની સાથે આ ખેલાડી ઓપનિંગ કરી શકે

કોણ હશે ધવનનો ઓપનિંગ પાર્ટનર

ભારતીય ટીમ છેલ્લાં 16 વર્ષોથી વેસ્ટ ઈન્ડીઝની ધરતી પર એક પણ વન-ડે શ્રેણી હારી નથી. વેસ્ટ ઈન્ડીઝ સામે વન-ડે શ્રેણીમાં રોહિત શર્માને આરામ આપવામાં આવ્યો છે. એવામાં તેમના બદલે ઓપનિંગ પાર્ટનર કોણ હશે. ટીમમાં ઋતુરાજ ગાયકવાડ, સંજૂ સેમસન અને ઈશાન કિશન જેવા ધુરંધર બેટર છે. ઋતુરાજ નબળા ફોર્મમાંથી પસાર થઇ રહ્યાં છે. તેઓ રન કરી શકતા નથી. તો સંજૂ સેમસને અમુક વખતે જ ઓપનિંગ કરી છે. એવામાં શિખર ધવનની સાથે ઈશાન કિશનને ઓપનિંગ કરવા માટે મોકલી શકાય છે. 

નંબર પાંચ માટે મેદાનમાં આ ખેલાડી

ભારતીય ટીમમાં ઘણા મેચ વિનર ખેલાડીનો સમાવેશ થાય છે, જે થોડા બોલમાં મેચની દિશા બદલી શકે છે. આ ખેલાડીઓ વધુ આક્રમક ફોર્મમાં રમી રહ્યાં છે. પરંતુ ભારતીય ટીમમાં નંબર પાંચ માટે સૂર્યકુમાર યાદવ, શ્રેયસ ઐયર અને દીપક હુડ્ડા ઉપસ્થિત છે. હવે જોવાનુ રહેશે કે આ ત્રણ ખેલાડીઓમાંથી કેપ્ટન શિખર ધવન કોને તક આપે છે. તો બીજી તરફ શુભમન ગિલ પણ રેસમાં સામેલ છે. ગિલની પાસે અઢળક અનુભવ છે, જે ભારતીય ટીમને કામ આવી શકે છે. 

ફાસ્ટ બોલિંગ ઉભી કરી શકે છે મુશ્કેલી 

છેલ્લાં ઘણા સમયમાં ભારતીય ફાસ્ટ બોલિંગ વધુ મજબૂત થઇ છે. જેના કારણે ભારતીય ટીમે વિદેશમાં જીત પ્રાપ્ત કરી છે. આ શ્રેણીમાં જસપ્રીત બુમરાહ અને મોહમ્મદ શમી રમી શક્યા નથી. તેમ છતાં ભારતીય ટીમની પાસે ઘણા ફાસ્ટ બોલર છે. જેમાં મોહમ્મદ સિરાજ, પ્રસિદ્ધ કૃષ્ણા, અર્શદીપ સિંહ અને શાર્દૂલ ઠાકુરનો સમાવેશ થાય છે.