ભાગવતની છબી પર લાગેલા દાગને દૂર કરવા માટે માફી માંગવી પૂરતી નથી: અવિમુક્તેશ્વરાનંદ
RSS વડા મોહન ભાગવતે જાતિવાદને લઈ આપેલ નિવેદનને લઈ સતત વિવાદ વધી રહ્યો છે. આ દરમિયાન હવે જગદગુરુ શંકરાચાર્ય સ્વામી અવિમુક્તેશ્વરાનંદે પણ મોહન ભાગવતના નિવેદન પર નિવેદન આપ્યું છે. RSSના વડા મોહન ભાગવતના નિવેદન પર નિશાન સાધતા તેમણે કહ્યું હતું કે, મોહન ભાગવતની છબી પર લાગેલા દાગને દૂર કરવા માટે માફી માંગવી પૂરતી નથી.
શું કહ્યું સ્વામી અવિમુક્તેશ્વરાનંદે ?
જગદગુરુ શંકરાચાર્ય સ્વામી અવિમુક્તેશ્વરાનંદે કહ્યું કે, મોહન ભાગવતને મોડેથી ઘણું જ્ઞાન પ્રાપ્ત કર્યું છે. તેઓએ જણાવવું જોઈએ કે, તેઓએ શું સંશોધન કર્યું. અવિમુક્તેશ્વરાનંદે કહ્યું કે, તેમણે ગીતામાં વાંચ્યું હતું કે ભગવાન કૃષ્ણએ પોતે કહ્યું હતું કે તેમણે ચાર વર્ણોની રચના કરી હતી. તેમણે કહ્યું કે, મોહન ભાગવત કહી રહ્યા છે કે, ભગવાને તેમને બનાવ્યા નથી. તેમણે પંડિતોએ બનાવ્યા છે. મોહન ભાગવત કહે છે કે, પંડિતનો અર્થ 'વિદ્વાન' છે, બ્રાહ્મણ નથી. તો પછી જો વિદ્વાનોએ કંઈક કહ્યું હોય તો તેની અવગણના કેમ કરવામાં આવે છે ?
ભાગવત માફી માંગે તો ?
આ તરફ જ્યારે તેમને પૂછવામાં આવ્યું કે, ભાગવતને આ નિવેદન માટે માફી માંગવાની માંગ કરવામાં આવી રહી છે. આના પર અવિમુક્તેશ્વરાનંદે કહ્યું કે તેનાથી કોઈ ફાયદો થશે નહીં, કારણ કે તેમની પહેલેથી જ ઘણી ટીકા થઈ ચૂકી છે.
રાષ્ટ્રીય સ્વયંસેવક સંઘના વડા મોહન ભાગવત (File Photo)
શું છે સમગ્ર મામલો ?
વાત જાણે એમ છે કે, તાજેતરમાં રાષ્ટ્રીય સ્વયંસેવક સંઘના વડા મોહન ભાગવતે જાતિવાદને લઈને મોટું નિવેદન આપ્યું હતું. ભાગવતે કહ્યું હતું કે, આપણા સમાજના વિભાજનનો લાભ બીજાઓએ લીધો. આનો લાભ લઈને આપણા દેશમાં હુમલા થયા અને બહારના લોકોએ લાભ લીધો. શું દેશમાં હિન્દુ સમાજના વિનાશનો ભય છે ? કોઈ બ્રાહ્મણ તમને આ કહી શકે નહીં, તમારે સમજવું પડશે. આપણી આજીવિકાનો અર્થ સમાજ પ્રત્યેની જવાબદારી પણ છે. જ્યારે દરેક કામ સમાજ માટે હોય છે, તો પછી કેટલાક ઉંચા, કેટલાક નીચા કે કેટલાક અલગ કેવી રીતે બન્યા?
આ સાથે તેમણે કહ્યું હતું કે, ભગવાન હંમેશા કહે છે કે મારા માટે દરેક એક છે. તેમની વચ્ચે કોઈ જાતિ, વર્ણ નથી. પણ પંડિતોએ કેટેગરી બનાવી, તે ખોટું હતું. દેશમાં વિવેક અને ચેતના બધા એક છે. એમાં કોઈ ફરક નથી. ફક્ત મંતવ્યો અલગ છે. અમે ધર્મ બદલવાનો પ્રયાસ કર્યો નથી. ધર્મ બદલાય તો છોડી દો. આ વાત બાબા સાહેબ આંબેડકરે કહી હતી. પરિસ્થિતિને કેવી રીતે બદલવી તે જણાવવામાં આવ્યું છે.
