- 19 મે ના રોજ ઉજવાશે શનિ જયંતિ
- ખરાબ સમય શરૂ થતા પહેલા શનિદેવ આપે છે સાત પ્રકારના સંકેત
જ્યોતિષશાસ્ત્રમાં શનિદેવને કર્મના દેવતા કહેવામાં આવે છે. જ્યારે પણ કોઈ વ્યક્તિ પર શનિદેવની કુદ્રષ્ટી પડે છે, તો વ્યક્તિએ અનેક પરેશાનીઓનો સામનો કરવો પડે છે. શનિદેવની કૃપાદ્રષ્ટીથી રંક પણ રાજા બની શકે છે, જેને શનિદોષ લાગે છે તેના જીવનમાં અનેક મુશ્કેલીઓ આવે છે. શનિદેવ તમામ લોકોને કષ્ટ આપતા નથી. જે વ્યક્તિ ખરાબ કર્મ કરે છે તેમને શનિદેવ કષ્ટ આપે છે. જે લોકોના કર્મ સારા હોય છે, તેમના પર શનિદેવની કૃપા પણ વરસે છે. દર વર્ષે જેઠ મહીનાની અમાસના રોજ શનિ દેવનો જન્મોત્સવ મનાવવામા આવે છે. જેને શનિ જયંતિ તરીકે મનાવવામા આવે છે. જે આ વર્ષે 19 મે ના રોજ આવી રહી છે. માણસનો ખરાબ સમય શરૂ થતા પહેલા શનિદેવ સાત પ્રકારના સંકેત આપે છે.
ચિંતાની લકીર પણ ખરાબ સમયની શરૂઆતના સંકેત
જેમાં નાની ઉંમરમાં વાળ સફેદ થવા ઉપરાંત વાળ ખરવા લાગવા અને ઘૂંટણનું દર્દ આ ત્રણેય પરેશાની શનિના કારણે શરૂ થનાર ખરાબ દિવસોનો સંકેત આપી રહી છે. સાથે સાથે બુટ- ચપ્પલ અવારનવાર તૂટી જવા ઉપરાંત તે ચોરી થવા આ પણ શનિદેવની કુદ્રષ્ટિનું સૂચન છે. તે જ રીતે શરીરમાં સુસ્તી આવતી અને આળસ આવતું હોય તથા ચહેરા ઉપર થતી ચિંતાની લકીર પણ ખરાબ સમયની શરૂઆતના સંકેત કરી રહી છે.
ખોટી સંગતના રવાડે ચડે છે
વધુમાં આંખોની રોશનીમાં ઘટાડો થવા ઉપરાંત કમર દર્દમાં વધારો સહિતની સમસ્યા પણ ખરાબ સમયના સંકેત આપે છે. કુંડલીમાં શનિદેવનો અશુભ પ્રભાવ પડવાની સાથે જ માણસના મનમાં ખરાબ કાર્ય કરવાના વિચાર આવે છે અને જે ખોટી સંગતના રવાડે ચડે છે. જેમાં ખાસ દારૂનો તે શિકાર બને છે. સહકર્મીઓ તરફથી રૂપિયા ન આવવા ઉપરાંત અભ્યાસમાં મન ન લાગવુ સહિતની બાબતો પણ ખરાબ સમયનો સંકેત આપે છે.
.jpg)
