IPL 2023 / IPLમાં ઋતુરાજ ગાયકવાડે મેચમાં ફટકારી એવી સિક્સ, કે ઇનામમાં મૂકેલી કાર થઇ ડેમેજ, VIDEO વાયરલ

• CSKએ બીજી મેચમાં લખનૌ સુપર જાયન્ટ્સને 12 રને હરાવ્યું
• ગાયકવાડે ફટકારી હતી શાનદાર સિક્સ 
• વીડિયો સોશિયલ મીડિયા પર વાયરલ થઈ રહ્યો છે

પ્રથમ વખત હાર ભોગવનાર ચેન્નાઈ સુપર કિંગ્સે બીજી મેચમાં જીતનો સ્વાદ ચાખ્યો છે.  IPL 2023મા ચેપોક સ્ટેડિયમમાં લખનૌ સુપર જાયન્ટ્સ અને ચેન્નાઇ સુપર કિંગ વચ્ચે જોરદાર મુકાબલો થયો હતો. જેમાં ભારે રસાકસી બાદ ચેન્નાઇ સુપર કિંગ્સે જીત હાંસલ કરી લીધી હતી. ચેન્નાઈએ સિઝનની તેની બીજી મેચમાં લખનૌ સુપર જાયન્ટ્સને 12 રને હરાવ્યું. 

લખનૌ સુપર જાયન્ટ્સના કેપ્ટન કેએલ રાહુલે ચેન્નાઈ સુપર કિંગ્સ સામે પહેલા બેટિંગ કરવાનો નિર્ણય કર્યો હતો પણ આ મેચમાં ચેન્નાઈ ટીમના ઓપનરોએ ધમાકેદાર બેટિંગ કરીને 217 રનનો ખડકલો કરી દીધો હતો. સીએસકે ના ઋતુરાજ ગાયકવાડની સતત બીજી અડધી સદી ફટકારી હતી. જેમાં એક સ્ટ્રોક એવો માર્યો હતો કે નવી ઈનામમાં આપવાની કાર પર ડેન્ટ થઈ ગયું હતું. 

pic.twitter.com/6ztKfzlD8H

— Jalaluddin Sarkar (Thackeray) 🇮🇳 (@JalaluddinSark8) April 3, 2023

ગાયકવાડે ફટકારી હતી શાનદાર સિક્સ 
CSKના સ્ટાર બેટ્સમેન ઋતુરાજ ગાયકવાડે મેદાન પર એવો સ્ટ્રોક માર્યો કે જોઈને બધા આશ્ચર્યચકિત થઈ ગયા. તેણે કૃષ્ણપ્પા ગૌતમના બોલ પર સિક્સ ફટકારી જે ટાટા કાર પર ડેન્ટ પાડી દીધો હતો. સિક્સ મારતાની સાથે જ બોલ કારને જોરથી અથડાયો અને તેના પર ખાડો પડી ગયો. હવે તેનો વીડિયો સોશિયલ મીડિયા પર વાયરલ થઈ રહ્યો છે. 

Ruturaj gaikwad six🔥 pic.twitter.com/tV4UXC9e7H

— lokeshkhera (@lokeshkhera29) April 3, 2023

ઋતુરાજે 31 બોલમાં 57 રન બનાવ્યા હતા
ઋતુરાજ ગાયકવાડે લખનૌ સુપર જાયન્ટ્સ માટે શાનદાર બેટિંગ કરી હતી. તેને 31 બોલમાં 57 રન બનાવ્યા જેમાં ત્રણ ચોગ્ગા અને ચાર છગ્ગા ફટકાર્યા હતા. આ પહેલા ગાયકવાડે ગુજરાત ટાઇટન્સ સામે પણ 92 રનની ઇનિંગ રમી હતી.