- રોહિત શર્મા વર્લ્ડ ટેસ્ટ ચેમ્પિયનશિપની ફાઇનલમાં પણ મોટો રેકોર્ડ બનાવી શકે છે
- રોહિત પાસે સચિન અને સેહવાગની ક્લબમાં સામેલ થવાની સુવર્ણ તક
- ગાવસ્કર અને ધવનનું નામ પણ લિસ્ટમાં સામેલ
WTC Final 2023: ભારતીય ક્રિકેટ ટીમ લંડનના ઓવલ સ્ટેડિયમમાં ઓસ્ટ્રેલિયા સામે વર્લ્ડ ટેસ્ટ ચેમ્પિયનશિપની ફાઈનલ રમવાની છે. આ મેચ 7મી જૂનથી શરૂ થઈ રહી છે. આ મેચમાં બધાની નજર ટીમ ઈન્ડિયાના કેપ્ટન રોહિત શર્મા પર રહેશે. રોહિત પણ આ મેચમાં એક મોટો રેકોર્ડ તોડવા જઈ રહ્યો છે.
રોહિતના નિશાના પર છે આ મોટો રેકોર્ડ
રોહિત શર્મા વર્લ્ડ ટેસ્ટ ચેમ્પિયનશિપની ફાઇનલમાં પણ મોટો રેકોર્ડ બનાવી શકે છે. જો રોહિત આ મેચમાં 27 રન બનાવી લે છે તો તે ભારતીય ક્રિકેટ ઈતિહાસમાં 13 હજાર રન બનાવનાર ત્રીજો ઓપનર બની જશે. રોહિતના નામે ઓપનિંગ કરતા આંતરરાષ્ટ્રીય ક્રિકેટમાં 12973 રન છે.
સહેવાગ અને સચિને જ કર્યો હતો આ કમાલ
ભારતના માત્ર બે બેટ્સમેન એવા છે જેમણે આંતરરાષ્ટ્રીય ક્રિકેટમાં ઓપનિંગ કરતા 13 હજાર રન બનાવ્યા છે. માત્ર વીરેન્દ્ર સહેવાગ અને ક્રિકેટના ભગવાન સચિન તેંડુલકર જ આ કરી શક્યા છે. હવે માત્ર રોહિત શર્મા 13 હજાર રનનો મોટો આંકડો પાર કરનાર ત્રીજો બેટ્સમેન બનવા જઈ રહ્યો છે. સેહવાગના નામે ઓપનિંગ દરમિયાન 15758 આંતરરાષ્ટ્રીય રન છે. જ્યારે સચિને ઓપનિંગ દરમિયાન 15335 રન બનાવ્યા છે. રોહિત પાસે સચિન અને સેહવાગની ક્લબમાં સામેલ થવાની સુવર્ણ તક છે.
ઓપનિંગ કરતા સૌથી વધારે રન બનાવનારા ભારતીય બેટ્સ મેનઃ
- 15758 રન - વીરેન્દ્ર સહેવાગ
- 15335 રન - સચિન તેંડુલકર
- 12973 રન - રોહિત શર્મા
- 12258 રન - સુનીલ ગાવસ્કર
- 10867 રન - શિખર ધવન
ગાવસ્કર અને ધવનનું નામ પણ લિસ્ટમાં સામેલ
આ યાદીમાં સુનીલ ગાવસ્કરનું નામ ચોથા નંબર પર છે. ગાવસ્કરે પોતાની કારકિર્દીમાં ઓપનિંગ દરમિયાન 12258 રન બનાવ્યા હતા, અને આ યાદીમાં પાંચમું નામ શિખર ધવનનું છે. ધવને ઓપનિંગ દરમિયાન 10867 રન બનાવ્યા છે. પરંતુ માત્ર સેહવાગ અને સચિન જ 13 હજારનો મોટો આંકડો પાર કરી શક્યા છે. હવે રોહિત પણ આ મોટા આંકડા સુધી પહોંચવા જઈ રહ્યો છે.
