- ફાઈનલ પહેલા ભારતે બાંગ્લાદેશ સામે હારનો સામનો કરવો પડ્યો
- સુપર-4 મુકાબલામાં બાંગ્લાદેશે ભારતને 6 રનથી હરાવ્યું
- ‘જે રીતે રમવા માંગતા હતા, તે રમી શક્યા નથી’
એશિયા કપ 2023ના ફાઈનલ પહેલા ભારતે બાંગ્લાદેશ સામે હારનો સામનો કરવો પડ્યો છે. સુપર-4 મુકાબલામાં બાંગ્લાદેશે ભારતને 6 રનથી હરાવ્યું છે. એશિયા કપમાં બાંગ્લાદેશે 2012 પછી ભારતને હરાવ્યું છે. ભારતીય ટીમ પહેલેથી ફાઈનલમાં પહોંચી ગઈ હતી, આ કારણોસર કેપ્ટન રોહિત શર્માએ આ મેચ માટે અડધી ટીમ બદલી દીધી હતી. ટીમમાં આ ફેરફાર કરવાને કારણે ભારતે ફાઈનલ પહેલા હારનો સામનો કરવો પડ્યો છે. રોહિત શર્મા આ હારના કારણે ખૂબ જ ઉદાસ નહોતા, પરંતુ તેમણે કહ્યું કે, જે રીતે રમવા માંગતા હતા, તે રમી શક્યા નથી.
રોહિત શર્માએ મેચ પછી જણાવ્યું કે, ‘અમે કેટલાક ખેલાડીઓને ગેમ ટાઈમ આપવા માંગતા હતા. અમે જે પ્રકારે રમવા માંગતા હતા, તે પ્રકારે રમી શક્યા નથી. આ મેચમાં કેટલાક એવા ખેલાડીઓને મોકો આપ્યો, જે વર્લ્ડ કપમાં રમી શકે છે.’
ગિલ શાનદાર બેટીંગ કરે છે: રોહિત
ભારતીય કેપ્ટન રોહિત શર્માએ વધુમાં જણાવ્યું કે, ‘અક્ષરે શાનદાર બેટીંગ કરી, પરંતુ મેચ ફિનિશ કરી શક્યા નહીં. જેનો શ્રેય બાંગ્લાદેશી બોલરને આપવો જોઈએ. ગિલની સદી ભૂલવી ના જોઈએ. તેઓ પોતાના ગેમનું સમર્થન કરે છે, તેમને ખબર છે કે કેવી રીતે રમવું છે. તેઓ ટીમ માટે શું કરવા માંગે છે, તે બાબતે તેમના વિચાર એકદમ સ્પષ્ટ છે. છેલ્લા એક વર્ષથી તેમનું ફોર્મ જબરદસ્ત છે અને શાનદાર બેટીંગ કરે છે. તેઓ ખૂબ જ મહેનત કરી રહ્યા છે. તેમના માટે વૈકલ્પિક પ્રેક્ટીસ જેવું કંઈ જ નથી.’
બાંગ્લાદેશે પહેલા બેટીંગ કરીને 50 ઓવરમાં 8 વિકેટ પર 265 રન કર્યા હતા. કેપ્ટન શાકિબ અલ હસને 85 બોલમાં 80 રનની ઈનિંગ રમી હતી. જેના જવાબમાં શુભમન ગિલ અને અક્ષર પટેલ સિવાય કોઈપણ વધુ સ્કોર કર્યું નથી. શુભમન ગિલે 121 અને અક્ષરે 42 રનની ઈનિંગ રમી છે. ભારતીય ટીમ 49.5 ઓવરમાં માત્ર 259 રન કરી શકી હતી.
