ભારતીય ટીમના સ્ટાર વિકેટકીપર ઋષભ પંતની ક્રિકેટના મેદાનમાં વાપસી થઈ છે. પંત ઈન્સ્ટાગ્રામ પર સતત તેની ફિટનેસ સાથે જોડાયેલા વીડિયો પોસ્ટ કરી રહ્યો છે અને બધાને આશા છે કે આ વખતે રિષભ પંત ઈન્ડિયન પ્રીમિયર લીગમાંથી પરત ફરશે. આ દરમિયાન એક વીડિયો સામે આવ્યો છે, જેમાં રિષભ પંત T-20 મેચમાં વિસ્ફોટક બેટિંગ કરી રહ્યો છે.
ઋષભ પંત પ્રથમ વખત T-20 મેચ રમ્યો
ડિસેમ્બર 2022માં કાર અકસ્માત બાદ ઋષભ પંત પ્રથમ વખત T-20 મેચ રમ્યો છે. રિષભ પંત લાંબા સમયથી બેંગલુરુમાં NCAમાં રિકવરીમાં વ્યસ્ત છે, જ્યાં તેની મેચ ફિટનેસ માપવા માટે એક મેચનું આયોજન કરવામાં આવ્યું હતું જે અલૂરમાં થયું હતું. રિષભ પંત ઉપરાંત હાર્દિક પંડ્યાએ પણ મેચમાં ભાગ લીધો હતો. રિપોર્ટ અનુસાર, રિષભે અહીં વિકેટકીપિંગ નથી કર્યું પરંતુ 20 ઓવરની મેચમાં ચોક્કસપણે બેટિંગ અને ફિલ્ડિંગ કર્યું. આ સમય દરમિયાન તેને કોઈ સમસ્યા જણાઈ ન હતી અને તે સંપૂર્ણ રીતે મેચ ફીટ દેખાયો હતો. બેટિંગ કરતી વખતે પણ ઋષભ પંતે શાનદાર શોટ રમ્યા હતા અને તે વિડિયોમાં પણ જોઈ શકાય છે કે કેવી રીતે ઋષભ પંત ફૂટવર્કનો ઉપયોગ કરીને શાનદાર શોટ્સ રમી રહ્યો છે.
વધુ વાંચો : ICC રેન્કિંગમાં ભારત જ ભારત..ટેસ્ટમાં યશસ્વાલને ડબલ સેન્ચ્યુરી ફળી, વન ડેમાં ટોપ 5ની લિસ્ટમાં 3 ધુરંધરો
દોઢ વર્ષ પછી મેચનો ભાગ બન્યો
ઋષભ પંત લગભગ દોઢ વર્ષ પછી મેચનો ભાગ બન્યો છે, તેણે રિકવરીમાં લાંબી લડાઈ લડી છે. હાલમાં જ તેણે એક વીડિયો પણ શેર કર્યો છે, જેમાં તે વિકેટકીપિંગ ડ્રીલ કરતો જોવા મળી રહ્યો છે અને તે ઘણો સારો દેખાઈ રહ્યો છે. જો કે, જે રિપોર્ટ્સ સામે આવ્યા છે તે મુજબ રિષભ પંત IPL 2024માં વિકેટકીપિંગ નહીં કરે. રિષભ પંત દિલ્હી કેપિટલ્સ માટે બેટ્સમેન-કેપ્ટન તરીકે રમી શકે છે. આવી સ્થિતિમાં, અમને રિષભ પંતની બેટિંગ જોવા મળશે, એટલે કે તે આ વખતે IPLમાં ધૂમ મચાવશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
