સંકેત / આ રાશિના જાતકો ખાસ સાચવજો, પૈસા તો ખર્ચા થશે જ તબિયત પણ બગડી શકે: બની રહ્યો છે ક્રૂર યોગ, સૂર્યનો તુલામાં પ્રવેશ

• 18 ઓક્ટોબરે સૂર્ય તુલા રાશિમાં ગોચર કરશે
• મેષ, વૃષભ અને વૃશ્ચિક રાશિના લોકો માટે આગામી સમય ખરાબ
• આ રાશિના જાતકો માથે આર્થિક સંકટ છે મંડરાઇ રહ્યું

જ્યોતિષશાસ્ત્ર અનુસાર રાશિ પરિવર્તનનું ખૂબ મહત્વ હોય છે. વૈદિક જ્યોતિષ અનુસાર 18 ઓક્ટોબરે સૂર્ય તુલા રાશિમાં ગોચર કરી રહ્યો છે. જે સૂર્ય દેવની નીચી રાશિ માનવામાં આવતી હોવાથી સૂર્ય નકારાત્મક અસર ઉભી કરશે. બીજી તરફ તુલા રાશિમાં જ કેતુ અને મંગળ ગ્રહ બિરાજમાન છે. જેના કારણે તુલા રાશિમાં ક્રૂર ગ્રહ બનતા આ આ યોગની અસર તમામ રાશિઓ પર જોવા મળશે. આ ઉપરાંત વધુ ત્રણ રાશિના જાતકો માથે પણ આર્થિક સંકટ મંડરાઇ રહ્યું છે.

મેષ રાશિ
ક્રૂર યોગની રચનાને પગલે મેષ રાશિના જાતકો તણાવ અનુભવશે. ઉપરાંત, એક મહિના સુધી પારિવારિક વિખવાદનો સામનો કરવા સહિત અનેક સમસ્યા આવશે.જેને લઈને નવી જગ્યાઓમાં રોકાણ કરવાનું હમણાં ટાળવું જોઈએ.બીજી બાજુ નોકરિયાત વર્ગે પણ કાર્યમાં બેદરકાર ન રાખવું જોઈએ. આ સમયે જુનિયર અને સિનિયર્સનો સહયોગ મેળવવો પણ મુશ્કેલ છે.

વૃષભ રાશિ
ક્રૂર યોગને પગલે વૃષભ રાશિના લોકો માટે પ્રતિકૂળતાનો પહાડ ઉભો થઇ શકે છે. સ્વાસ્થ્ય બગડવાથી માંડી ધનહાનિના સંકેતો પણ જોવા મળી રહ્યા છે. વ્યવસાયમાં મંદી તો વાહનનો ઉપયોગ સાવચેતીપૂર્વક કરવો જોઈએ. વધુમાં કોર્ટમાં કેસની ચક્કર તો તેમાં હારનો સામનો કરવો પડી શકે છે. તથા મહત્વના કામો અટકી પડે તેવી પણ નોબત આવશે.

વૃશ્ચિક રાશિ
વૃશ્ચિક રાશિના લોકો માટે ક્રૂર યોગ હાનિકારક પરિણામો લઈને આવશે. આ રાશિના 12માં ભાગમાં યોગ બનવા જઈ રહ્યો હોવાથી તમારી ઉપર ખોટા આક્ષેપો પણ થઇ શકે છે અને નાહકના ખર્ચામાં પણ વધારો થઈ શકે છે. જેને લઇને તમારું બજેટ ખોરવાઈ જશે. તો આ સમયગાળા દરમિયાન તમારે ક્રોધ ઉપર કાબુ રાખો જરૂરી છે. કારણ કે ક્રોધને લઈને તમારા કામ બગડી શકે છે. પરિવારમાં પણ અણબનાવ ઉભા થશે.