ફરિયાદ / ફટાકડા ફોડવાની ના પાડતા ટોળાએ પથ્થરમારો કરીને કાર તોડી નાંખી, મકાન ખાલી કરવા આપી ધમકી: રાજકોટમાં ભયંકર બબાલ

• રાજકોટમાં તહેવારનાં દિવસે અસામાજીક તત્વોનો ત્રાસ
• ફટાકડા ફોડવાની ના પાડતા પથ્થરમારો કરી ગાડીને નુકશાન કર્યું
• રાજકોટ તાલુકા પોલીસે ગુનો નોંધી તપાસ હાથ ધરી

 રાજકોટમાં દિવાળીનાં દિવસે કેટલાક લોકો ફટાકડા ફોડતા હોઈ  કોઈ કારણોસર ફટાકડા ફોડવાની ના પાડતા તહેવારનાં દિવસમાં છાકટા બનેલા અસામાજીક તત્વો દ્વારા ઝઘડો કર્યો હતો. જે બાદ આરોપીઓ દ્વારા ફરિયાદીનાં  ઘર પર પથ્થર મારો કર્યો હતો.  તેમજ ફરિયાદીની કારમાં પણ તોડફોડ કરી નુકશાન પહોંચાડ્યું હતું.

પોલીસે ગુનો નોંધી વાયરલ વીડિયોનાં આધારે તપાસ હાથ ધરી
દિવાળનાં દિવસે રાત્રે 12 વાગ્યા આસપાસ રાજકોટમાં ફટાકડા ફોડવા જેવી નાની બાબતે ખૂબ મોટું સ્વરૂપ ધારણ કરી લીધું હતું. જેમાં ફટાકડા ફોડવાની ના પાડનાર શખ્શ વસંત ભોજાણીનાં ઘર પર આરોપીઓએ પથ્થર મારો કર્યો હતો. તેમજ ગાડીને પણ નુકશાન કર્યું હતું. તેમજ ફરિયાદીને મકાન ખાલી કરવા બાબતે પણ ધમકી આપવામાં આવી હતી. ત્યારે આ સમગ્ર ઘટનાનો વીડિયો સોશિયલ મીડિયા પર વાયરલ થતા પોલીસ પણ દોડતી થઈ જવા પામી હતી.  હાલ તો રાજકોટ તાલુકા પોલીસે 11 જેટલા વ્યક્તિઓ વિરૂદ્ધ મારામારી, રાયોટીંગ સહિતની કલમ હેઠળ ફરિયાદ નોંધી વાયરલ થયેલ વીડિયોનાં આધારે તપાસ હાથ ધરી છે.