તમારા કામનું / 1 લાખનું રોકાણ કરો અને દર મહિને 10 લાખની કમાણી કરો, રતન ટાટાના રોકાણવાળી આ કંપની બનાવશે માલામાલ

• ફક્ત 1 લાખમાં શરૂ કરો આ બિઝનેસ
• જાણો કઈ રીતે થશે ફાયદો 
• ફ્રેન્ચાઈઝી લેવા માટે શું કરશો? 
   

કોરોના મહામારીએ દેશની અર્થવ્યવસ્થાની સાથે જ સામાન્ય માણસનું બજેટ પણ બગાડી દીધુ છે. મહામારી વખતે મોટી સંખ્યામાં લોકોને નોકરીમાંથી હાથ ધોવો પડ્યો હતો. એવામાં જો તમે કોઈ વ્યાપાર શરૂ કરવા માંગો છો અથવા વધારાની ઈનકમ કરવા માંગો છો તો તમારી પાસે શાનદાર તક છે. તમે ઓછામાં ઓછા રોકાણ દ્વારા પોતાનો બિઝનેસ શરૂ કરી શકો છો.

આ કંપની સાથે વ્યાપાર શરૂ કરવાનો સૌથી મોટો ફાયદો એ છે કે તેમાં ઉદ્યોગપતિ રતન ટાટાનું રોકાણ છે. રતન ટાટાના રોકાણવાળી જેનરિક દવા સ્ટાર્ટઅપ કંપની જેનેરિક આધાર લોકોને ફ્રેન્ચાઈઝી દ્વારા કમાણી કરવાનો મોતો આપી રહી છે. જ્યાં તમે વન ટાઈમ ઈન્વેસ્ટમેન્ટ દ્વારા મેડિકલ સ્ટોર ખોલી શકો છો અને દર મહિને સારી એવી કમાણી કરી શકો છો. 

ફક્ત 1 લાખમાં શરૂ કરો 
જો તમે ઓછા રોકાણમાં પ્રોફિટેબલ બિઝનેસ કરવા માંગો છો તો તમારા માટે એક આ એક સારો વિકલ્પ છે. જેનરિક આધારની ફ્રેન્ચાઈઝી ટીમે જણાવ્યું કે જેનરિક આધારની ફ્રેન્ચાઈઝ કોઈ પણ વ્યક્તિ લઈ શકે છે. આ વ્યાપારને શરૂ કરવા માટે ફક્ત 1 વખત 1 લાખ રૂપિયાનું રોકાણ કરવાનું રહેશે. આ ફ્રેન્ચાઈઝીનો સૌથી મોટો ફાયદો એ છે કે કંપની પોતાના પાર્ટનર્સને 40% સુધી માર્જિન આપે છે. જ્યારે મોટી દવા કંપનીઓ 15-20%નો વધુમાં વધુ માર્જિન આપે છે. કંપની 1000 પ્રકારની જેનરિક દવાઓ ઉપલબ્ધ કરાવે છે. આ દવાઓ પર ગ્રાહકોને 80 ટકા સુધી છૂટ મળે છે. તેમાં સૌથી વધુ ફાયદો એ છે કે કંપની જે પણ ઓનલાઈન દવાનો આર્ડર લેશે જો તે તમારા શહેરનો હશે તો તેનો ઓર્ડર તમને જ મળશે. 

કંપનીએ આપેલી જાણકારી અનુસાર મુંબઈ, ઉત્તર પ્રદેશમાં ઘણા એવા રિટેલર્સ છે જે કંપનીની ફ્રેન્ચાઈઝી લઈને દર મહિને 8-10 લાખ સુધીની કમાણી કરી શકે છે. જોકે કમાણી સિટી અને લોકેશન પર પણ નિર્ભર કરે છે. 

ફ્રેન્ચાઈઝી લેવા માટે શું કરશો? 
જેનેરિક આધારની ફ્રેન્ચાઈઝી એને મળે છે, જે પહેલાથી પોતાનો મેડિકલ સ્ટોર ચલાવી રહ્યા છે અથવા તો પોતાનો નવો સ્ટોર શરૂ કરવા માંગે છે. જો તમે આ કંપનીની ફ્રેન્ચાઈઝી લો છો તો કંપનીની તરફથી તમને GA (Generic Aadhaar) નો બ્રાન્ડ લોગો મળશે. સાથે જ બ્રાન્ડિંગ મટિરિયલ, ઈન-હાઉસ પ્રોડક્ટ્સ અને મેડિસિન પર્સેજ માટે ઈન-હાઉસ સોફ્ટવેર આપવામાં આવશે. તેના માટે તમારે ડ્રગ લાયસન્સ પણ લેવું પડશે.