અપડેટ / કોમેડિયનનાં સ્વાસ્થ્યને લઈને સામે આવ્યા મોટા અપડેટ, મગજની એક નસ થઈ ગઈ છે બ્લોક, જાણો હેલ્થ બુલેટિન

• રાજૂ શ્રીવાસ્તવ હજુ પણ કોમામાં 
• સારવારમાં ન્યૂરોફિઝિયોથેરાપીની લઈ રહ્યા છે મદદ 
• રાજૂની સલામતી માટે પ્રાર્થના કરી રહ્યા છે ફેન્સ 

રાજૂ શ્રીવાસ્તવ હજુ પણ કોમામાં 

ફેમસ કોમેડિયન રાજૂ શ્રીવાસ્તવ હજુ પણ વેન્ટિલેટર પર છે. AIIMSમાં રાજૂ શ્રીવાસ્તવનિ સારવાર ચાલી રહી છે. પોતાના રમૂજી અંદાજથી ફેન્સના ચહેરા પર હાસ્ય લાવી દેનાર રાજૂ શ્રીવાસ્તવ જીવનની મુશ્કેલ જંગ લડી રહ્યા છે. હવે કોમેડિયનનાં સ્વાસ્થ્યને લઈને નવી અપડેટ સામે આવી છે. 

સારવારમાં ન્યૂરોફિઝિયોથેરાપીની લઈ રહ્યા છે મદદ 
નવી જાણકારી અનુસાર, રાજૂ શ્રીવાસ્તવ કોમામાં છે. રાજૂનાં ઈલાજ માટે ડોક્ટર્સ ન્યૂરોફિઝિયોથેરાપીની મદદ લઈ રહ્યા છે. ડૉક્ટર્સે જણાવ્યું કે રાજૂનાં બ્રેનની ત્રણ નસોમાની એક નસ હજુ પણ બ્લોક છે અને તેનો ઈલાજ ચાલી રહ્યો છે. રાજૂનાં ઈલાજ માટે ન્યૂરોફિઝિયોથેરાપી ચાલી રહી છે. 

પરિવાર દ્વારા મળેલી જાણકારી અનુસાર, રાજૂ શ્રીવાસ્તવ વેન્ટિલેટર પર છે. જોકે, તેમના સ્વાસ્થ્યમાં થોડો સુધાર આવ્યો છે. એમ પણ જાણવા મળ્યું છે કે રાજૂ શ્રીવાસ્તવની માનસિક કન્ડિશનમાં ઉદ્ધાર લાવવા માટે ડોક્ટર્સ તેમને અમિતાભ બચ્ચનનો અવાજ સંભળાવી રહ્યા છે. અમિતાભ બચ્ચનનાં શોઝ અને પરફોર્મન્સનો વોયસ રાજૂને સંભળાવવામાં આવે છે. 

રાજૂની સલામતી માટે પ્રાર્થના કરી રહ્યા છે ફેન્સ 
રાજૂ શ્રીવાસ્તવ પોતાના ફેન્સનાં દિલોમાં રાજ કરે છે. તેમણે પોતાના દરેક અંદાજથી હંમેશા ફેન્સનું મનોરંજન કર્યું છે. કોમેડિયન હોવાની સાથે સાથે રાજૂ એક એકટર પણ છે. તેઓ ઘણી ફિલ્મોમાં કામ કરી ચૂક્યા છે. રાજૂનાં સ્વાસ્થ્ય માટે ફેમિલી સાથે સાથે ફેન્સ પણ પ્રાર્થનાઓ કરી રહ્યા છે. રાજૂનાં ફેન્સ તેમના સ્વાસ્થ્યને લઈને ઘણા ચિંતિત છે. તેઓ પોતાના ગજોધર ભૈયાને ફરી હસતા જોવા માંગે છે. રાજૂનાં વહેલી તકે તંદુરસ્ત થવા માટે કોમેડિયનનાં પરિવારે વિશેષ પૂજાનું પણ આયોજન કર્યું હતું.