NULL / ખેડૂતોને અછગ્રસ્ત તાલુકાઓમાં રાહત ચૂકવણી શરૂ પ્રથમ દિવસે જુઓ કેટલા ચૂકવાયા?

રાજકોટ: ગુજરાતના અછત ગ્રસ્ત તાલુકાને રાહતની ચુકવણી જેતપુરમાં કેબિનેટ મિનિસ્ટર જયેશ રાદડિયાના હસ્તે કરવામાં આવી હતી. પ્રથમ દિવસે જ ખેડૂતોને 15 કરોડ રૂપિયા સીધા ખેડૂતોના ખાતામાં ચૂકવ્યા હતા. ગુજરાતમાં ચાલુ વર્ષે ઓછા વરસાદના પગલે સૌરાષ્ટ્રના મોટા ભાગના જિલ્લાના તાલુકાઓમાં અછત ગ્રસ્તમાં આવી ચુક્યા છે.

ત્યારે સરકાર દ્વારા રાજકોટ જિલ્લાના મોટા ભાગના તાલુકાઓને અછત ગ્રસ્ત જાહેર કરી ચુકી છે. જેમાં જેતપુરનો સમાવેશ થઇ ચુક્યો છે. જેતપુર તાલુકાના 43 ગામોનો અછતગ્રસ્તમાં સમાવેશ થઈ ચુક્યો છે. આ ગામોના 23 હજાર ખેડૂતોએ અછત રાહત માટે અરજી કરી ચુક્યા હતાં.

જેમાં લગભગ તમામ ખેડૂતોની અરજી મંજુર થઈ છે. આ તમામ ખેડૂતોને સરકાર દ્વારા વધારેમાં વધારે 2 હેકટર ઉપર 12 હજાર 500 જેટલી સહાય ચૂકવામાં આવી હતી. જેતપુર તાલુકાના આ ખેડૂતોને પ્રથમ દિવસે જ 15 કરોડ જેટલી સહાયની ચૂકવણી કરવામાં આવી હતી. આ સહાય જયેશ રાદડિયા દ્વારા ખેડૂતોને ચૂકવામાં આવી છે.

રાજકોટના અછતગ્રસ્ત તાલુકાઓ માટે ફાળવાયા છે રૂ.179 કરોડ
સરકારે રાજકોટના અછતગ્રસ્ત તાલુકાઓને કુષિ ઇનપુટ સહાય માટે રૂ.179 કરોડની ફાળવણી કરી છે. સહાયની રકમ જીલ્લા પંચાયત દ્વારા ખેડુતોનાં બેંક ખાતામાં ચુકવણી કરવાનું શરૂ કરવામાં આવ્યો. પ્રથમ તબક્કામાં પડધરી તાલુકાનાં બાંધી ગામના 50 ખેડુતોના ખાતામાં સહાય ચુકવવામાં આવી.

જો કે આ અગાઉ રાજ્ય સરકાર દ્વારા રાજકોટના ચાર તાલુકા પડઘરી ધોરાજી ઉપલેટા અને જેતપુરને અછત ગ્રસ્ત જાહેર કરાયા હતા. ત્યારે હવે વધુ 8 તાલુકાઓને અછતગ્રસ્ત જાહેર કરવામાં આવ્યા છે.

મહત્વનું છે કે સૌરાષ્ટ્રના કેટલાક વિસ્તારોને અછતગ્રસ્ત જાહેર કરવાની માંગ ઉઠી રહી હતી. રાજકોટ જિલ્લાના 90થી વધુ ગામના ખેડૂતો દ્વારા કલેક્ટરને આવેદન પત્ર પાઠવવામાં આવ્યું હતું.