રાજનીતિ / રાહુલ ગાંધીનું મોટું એલાન, કેન્દ્રમાં કોંગ્રેસની સરકાર આવ્યાં બાદ GSTનું સ્ટ્રક્ચર બદલી નાખીશું

• રાહુલ ગાંધી કર્ણાટકનાં પ્રવાસે
• ખેડૂતો સાથે GST અંગે વાતચીત કરી
• કહ્યું કોંગ્રેસ દિલ્હીમાં આવી તો GST સ્લેબ બદલશું

Karnataka Election 2023: કર્ણાટકમાં વિધાનસભાની ચૂંટણીને લઈને રેલીઓ અને કાર્યક્રમો ચાલી રહ્યાં છે. હાલમાં કોંગ્રેસનાં પૂર્વ અધ્યક્ષ રાહુલ ગાંધી બેલગાવીનાં રામદુર્ગમાં શેરડીનું વાવેતર કરતાં ખેડૂતો સાથે વાતચીત કરી હતી. ચર્ચા દરમિયાન તેમણે કહ્યું કે આજકાલ ફોકસ 2-3 અરબપતિઓ પર છે પરંતુ ખેડૂત-મજૂર અને નાનાં વેપારીઓને લઈને ચર્ચા થવી જોઈએ. કોંગ્રેસ નેતા રાહુલ ગાંધીએ આગળ કહ્યું કે અરબપતિઓને બંકથી લોન સરળતાથી મળી જાય છે અને જો કંઈ થાય છે તો સરળતાથી માફ કરી દેવામાં આવે છે પરંતુ ખેડૂતોની લોન માફ કરવામાં આવતી નથી.

#WATCH| Karnataka: "Nowadays, focus is only on 2-3 billionaires, but it should be on farmers, labourers and small vendors....billionaires get loan from bank easily & if something happens, it gets waived off easily but farmers loans are never waived off": Rahul Gandhi, Congress… pic.twitter.com/AcVTuDLra1

— ANI (@ANI) April 24, 2023

'GSTમાં જે 5 સ્લેબ છે તેને અમે બદલશું'
કોંગ્રેસ નેતા રાહુલ ગાંધીએ બેલગામમાં કહ્યું કે GST દેશનાં અમીર લોકોને મદદ કરવા માટે લગાવવામાં આવ્યું છે. એટલી જટિલ સંરચના છે કે અડધા લોકોને તો આ સિસ્ટમ સમજાતી જ નથી કે ક્યારે અને કેવી રીતે ભરવું. મોટા ઉદ્યોગોમાં એકાઉન્ટેન્ટ હોય છે પરંતુ નાનકડાં વેપારીઓની પાસે નથી હોતા જેના કારણે તે ટેક્સ નથી ભરી શકતા. તેમણે કહ્યું કે જો અમારી સરકાર દિલ્હીમાં આવે છે તો અમે GST બદલશું. એક ટેક્સ હશે અને ઓછામાં ઓછું હશે. GSTમાં જે 5 સ્લેબ છે તેને અમે બદલશું.

રાહુલ ગાંધી કર્ણાટકમાં 2 દિવસીય પ્રવાસ પર
રાહુલ ગાંધી આજથી 2 દિવસીય કર્ણાટકનાં પ્રવાસે છે. તેમણે યાત્રાની શરૂઆત બસવેશ્વની જયંતિનાં અવસર પર તેમની શ્રદ્ધાંજલિ અર્પિત કરીને કરી હતી.