રાજનીતિ / PM બનવાના સવાલ પર રાહુલ ગાંધીએ કહ્યું, સેન્ટ્રલ આઇડિયા BJP-RSSને હરાવવાનો છે

• રાહુલ ગાંધીએ લંડનમાં કર્યું જનસંબોધન
• PM મોદી સહિત ભાજપ પર કર્યાં પ્રહારો
• કહ્યું, 'ભારતનું અપમાન તો PM મોદી કરે છે'

કોંગ્રેસ સાંસદ રાહુલ ગાંધીએ ફરી એકવાર વિદેશમાં પ્રધાનમંત્રી પર નિશાન સાધ્યું છે. આ સાથે જ તેમણે ભાજપ દ્વારા કરવામાં આવેલા કેટલાક નિવેદનો પર પણ પલટવાર કર્યો છે. તેમણે કહ્યું કે 'મોદીએ ખુદ કહ્યું છે કે છેલ્લાં 60-70 વર્ષોમાં તેમણે કંઈ જ નથી કર્યું. તેમણે એવું કહીને ભારતીયો અને તેમના દાદા-દાદીનું અપમાન કર્યું છે કે ભારતે એક દશક ગુમાવ્યું છે. અને આ બધું તેઓ વિદેશની ધરતી પર કહે છે. '

"Last time I recall the PM going abroad and announcing that there has been nothing done in 70 years of independence.

I remember him saying we had lost a decade of 10 years.

He said all this abroad,"@RahulGandhi's befitting rebuttal to BJPhttps://t.co/H7KsvpWYWt

— James Wilson (@jamewils) March 5, 2023

ત્રણ દશક જૂની ભાજપની રથયાત્રાની કરી સરખામણી
હાલમાં રાહુલ ગાંધી લંડનમાં ઈન્ડિયન જર્નલિસ્ટ અસોસિએશનનાં કાર્યક્રમમાં ભાજપનાં એ આરોપો પર પલટવાર કરી રહ્યાં છે જેમાં તેમના પર ભારતને કુખ્યાત કરવાનાં આરોપો લગાવાયા હતાં. એટલું જ નહીં આ દરમિયાન તેમણે પોતાની ભારત જોડો યાત્રાની તુલના ત્રણ દશક જૂની ભાજપની રથયાત્રા સાથે કરી. તેમણે કહ્યું કે ભાજપે પણ રથયાત્રા કરી હતી, એક ફરક છે. તે યાત્રાનું કેન્દ્ર એક રથ હતું જે રાજાનું પ્રતીક છે. અમારું રથ તો લોકોને ભેગું કરી રહ્યું છે- ભેટી રહ્યું છે.

Today Rahul Gandhi interacted with the Indian Journalists Association in London. pic.twitter.com/JuC9in7Lyw

— Yuva Desh (@yuvadesh) March 4, 2023

RSS અને ભાજપને લઈને બોલ્યાં રાહુલ
રાહુલે કહ્યું કે 'RSS અને ભાજપને હરાવવાની જરૂરીયાત હવે લોકોનાં મનનાં ઊંડાણમાં બેસી ગઈ છે. ભારત જોડો દરમિયાન અનેક દ્રષ્ટિકોણ હતાં. તેમણે કહ્યું કે અમે સંસ્થાગત રીતે લડી રહ્યાં છીએ. RSS અને ભાજપએ એ સંસ્થાનોને કબ્જે કરી લીધાં છે જેમણે તટસ્થ રહેવું જોઈએ.'