- શનિ બાદ રાહુની ચાલ સૌથી ધીમી હોય છે
- રાહુ 2023માં 30 ઓક્ટોબર 2023 સુધી મેષ રાશિમાં રહેશે
- આ પાંચ રાશિના જાતકોને સૌથી વધુ પરેશાન કરી શકે
વર્ષ 2023માં રાહુ 30 ઓક્ટોબર 2023 સુધી મેષ રાશિમાં રહેશે
જ્યોતિષ શાસ્ત્રમાં શનિ બાદ રાહુની ચાલ સૌથી ધીમી હોય છે. આ ગ્રહ હંમેશા વક્રી ચાલ ચાલે છે અને લગભગ દોઢ વર્ષના સમયગાળામાં પોતાની રાશિ બદલે છે. વર્ષ 2023માં રાહુની ચાલ પર નજર કરીએ તો આ ગ્રહ 30 ઓક્ટોબર 2023 સુધી મેષ રાશિમાં રહેશે. ત્યારબાદ મેષમાંથી નિકળીને મીન રાશિમાં જતો રહેશે. જ્યોતિષીઓનુ કહેવુ છે કે નવા વર્ષમાં રાહુ પાંચ રાશિના જાતકોને સૌથી વધુ પરેશાન કરી શકે છે. જાણો એવી કઈ છે પાંચ રાશિઓ.
મેષ- રાહુ તમારી બુદ્ધીને અમુક અંશે ભ્રમમાં નાખશે. તમે દરેક કામમાં જલ્દબાજી બતાવશો. જેનાથી તમારા કાર્યોમાં સમસ્યા આવી શકે છે. આ દરમ્યાન તમે મોટા ષડયંત્રોનો શિકાર પણ થઇ શકો છો. લોકો સાથે તમારા ઝગડા અથવા વિવાદ વધી શકે છે. ઘરમાં સભ્યોની સાથે પણ તમારે વિવાદ થઇ શકે છે.
વૃષભ- નવા વર્ષમાં રાહુ તમારા ખર્ચમાં સતત વધારો કરતો રહેશે. રાહુ તમને કારણ વગરનો ખર્ચ કરનારો બનાવશે. તમે વિચાર્યા અને સમજ્યા વગર નાણાનો ખર્ચ કરશો. રાહુ તમને માનસિક રીતે પણ પરેશાન કરી શકે છે. શોર્ટકટ રીતે સફળતા મેળવવાની લાલચ તમને મુશ્કેલીમાં નાખી શકે છે. શારીરીક રીતે પણ તમારી પરેશાની વધી શકે છે.
તુલા- વેપારી મામલામાં તમે વધુ નિરંકુશ મહેસૂસ કરી શકો છો. તમે ઘણી વખત વિચાર્યા-સમજ્યા વગર નિર્ણય લેશો જે તમારા બિઝનેસમાં ઘણી વખત હાનિ અથવા નુકસાનનુ કારણ બનશે. તમારે પોતાના બિઝનેસ પાર્ટનરની સાથે પણ સાવધાનીથી રજૂ થવુ પડશે. લોકો સાથે તમારે મતભેદ જલ્દી થશે. તો નોકરિયાત કર્મચારીઓએ પણ થોડુ સંભાળીને રહેવુ પડશે.
મકર- રાહુ તમારા જીવનમાં ઉતાર-ચઢાવની સ્થિતિને લઇને આવશે. પારિવારિક સંબંધ નબળા બનશે. તમારે પારિવારિક જીવનમાં સામંજસ્ય બેસાડવા માટે વધારે પ્રયાસ કરવા પડશે. ઘરનો માહોલ થોડો અશાંત હોઇ શકે છે. દામ્પત્ય જીવનમાં સમસ્યાઓ વધવાની સંભાવના છે. તેથી તમારે થોડુ શાંતિથી કામ લેવુ પડશે.
મીન- આ વર્ષે રાહુ તમને ઉત્તમ ધનની પ્રાપ્તિ કરાવશે. પરંતુ તમે જેટલા ધનની નજીક પહોંચશો તેટલા જ પરિવારથી દૂર થઇ જશો. પરિવાર સાથે તમારો વિવાદ શરૂ થઇ જશે. તેથી તમારે ખૂબ વિચારી-સમજીને સામંજસ્ય બેસાડવાનો પ્રયાસ કરવો પડશે. બીજી તરફ અસંતુલિત ભોજન અથવા ખાન-પાનના કારણે તમારા હેલ્થમાં ઘટાડો આવી શકે છે. તેથી તમારે સ્વાસ્થ્ય સંબંધિત સમસ્યાઓ પ્રત્યે જાગૃત રહેવુ પડશે.
