- ચા-કોફીમાં રહેલુ કેફીન સ્વાસ્થ્ય માટે હાનિકારક
- ચા કે કોફી પીવાનું છોડશો તો એક અઠવાડિયાની અંદર જ તમારી ઊંઘ ને લગતી સમસ્યા દૂર થવા લાગશે
- ચા કે કોફી જેવી ગરમ વસ્તુ પીવાથી દાંતને નુકસાન થાય છે
If You Give Up Caffeine for a Month: ભારતમાં એવા કરોડો લોકો હશે જેમના દિવસની શરૂઆત ચાના એક કપથી અથવા તો કોફી પીને થતી હોય છે. ચા અને કોફીના શોખીનોની સંખ્યા ભારતમાં કદાચ સૌથી વધારે હશે. એક કપ ગરમાગરમ ચા કે કોફી પી લેવાથી શરીરને ઇન્સ્ટન્ટ એનર્જી મળે છે. જે લોકોને ચા અને કોફી પીવાની આદત હોય છે તેમને જો કહેવામાં આવે કે એક મહિના સુધી ચા કે કોફી નથી પીવાની તો તેમની હાલત બગડી જાય. પરંતુ હકીકતમાં જો તમે માત્ર 30 દિવસ પણ ચા કે કોફીનું સેવન નહીં કરો તો તમારા શરીરમાં ત્રણ જોરદાર ફેરફાર જોવા મળશે. શરીરમાં જો કેફીન જતું અટકે તો શરીરમાં કેટલાક સકારાત્મક ફેરફાર જોવા મળે છે. તો આવો જાણીએ કે, ચા અને કોફી ન પીવાથી શરીર પર કેવી અસર થાય છે.
કેફીન છોડવા પર થશે આ અસર
1. બ્લડ પ્રેશર કંટ્રોલમાં
ચા કે કોફી પીવાથી થાક તુરંત ઉતરી જાય છે તેનું કારણ કે બ્લડ પ્રેશર વધે છે. આ સ્થિતિ યોગ્ય નથી. જો તમે એક મહિના સુધી થાક કોફીના મારફતે શરીરમાં જતું કેફીન અટકાવો છો તો તેનાથી બ્લડ પ્રેશર કંટ્રોલમાં રહે છે.
2. સારી ઊંઘ
ચા પીવાનું છોડવાથી ઊંઘ પર સારી અસર પડે છે. વ્યક્તિ જ્યારે કેફિનયુક્ત પદાર્થ પીવાનું શરૂ કરે છે તો તેની ઊંઘમાં ખલેલ પડવા લાગે છે. જો તમે ચા કે કોફી પીવાનું છોડશો તો એક અઠવાડિયાની અંદર જ તમારી ઊંઘ ને લગતી સમસ્યા દૂર થવા લાગશે. એક મહિનામાં તો તમને તમારા સ્વાસ્થ્યમાં પોઝિટિવ ફેરફાર જોવા મળશે કારણ કે તમે નિયમિત રીતે સારી ઊંઘ કરતા થશો.
3. દાંત સફેદ થશે
ચા કે કોફી જેવી ગરમ વસ્તુ પીવાથી દાંતને નુકસાન થાય છે. જે લોકો વધારે પ્રમાણમાં છે કે કોફી પીતા હોય છે તેના દાંતનો રંગ ધીરે ધીરે બદલવા લાગે છે. સાથે જ તેમાં રહેલી ખાંડ દાંતને નબળા પણ કરે છે. આવી સ્થિતિમાં જો તમારે દાંતને નબળા પડતા અટકાવવા હોય અને દાંતને સફેદ રાખવા હોય તો ચા કે કોફી પીવાનું છોડી દો. એક મહિનામાં જ તમે તમારા દાંતમાં કુદરતી રીતે ફરક અનુભવશો
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
