- પીએમ મોદી 2 મેથી ઉપડશે વિદેશ પ્રવાસ
- જર્મની, ડેનમાર્ક અને ફ્રાન્સની મુલાકાતે જશે
- 3 દેશોમાં 25 કાર્યક્રમોમાં લેશે હાજરી
પીએમ મોદી 2 મેથી વિદેશ પ્રવાસે ઉપડી રહ્યાં છે. ચાલુ વર્ષમાં પીએમ મોદીની આ પહેલી વિદેશયાત્રા છે. તેઓ જર્મની, ડેનમાર્ક અને ફ્રાન્સ એમ ત્રણ દેશોની મુલાકાતે જઈ રહ્યાં છે. આ દરમિયાન તેઓ 25 કાર્યક્રમોમાં ભાગ લેશે અને ત્રણ દિવસની યાત્રા દરમિયાન લગભગ 65 કલાક તે દેશોમાં વિતાવશે. સત્તાવાર સૂત્રોએ શનિવારે આ જાણકારી આપી છે. તેમણે કહ્યું કે મોદી સાત દેશોના આઠ નેતાઓ સાથે દ્વિપક્ષીય અને બહુપક્ષીય બેઠક કરશે.
મંગળવારથી પીએમ મોદી ઉપડશે 3 દેશોની મુલાકાતે
પીએમ મોદી મંગળવારથી જર્મની, ડેનમાર્ક અને ફ્રાન્સની મુલાકાતે જવાના છે. ફ્રાન્સના રાષ્ટ્રપતિ મૈંક્રો પણ આતુરતાથી પીએમ મોદીની વાટ જોઈ રહ્યાં છે. મૈંક્રો પીએમ મોદીના ખાસ મિત્ર છે.
50 ગ્લોબલ બિઝનેસમેન સાથે પણ વાતચીત
સૂત્રોએ જણાવ્યું કે પીએમ મોદી 50 ગ્લોબલ બિઝનેસમેન સાથે પણ વાતચીત કરશે. મોદી 2 મેના રોજ જર્મની, ડેનમાર્ક અને ફ્રાંસની ત્રણ દિવસની યાત્રા પર રવાના થશે. આ વર્ષે તેમની આ પહેલી વિદેશ યાત્રા છે. તેમણે કહ્યું હતું કે વડાપ્રધાન 4 મેના રોજ પરત ફર્યા બાદ થોડા સમય માટે જર્મની, પછી ડેનમાર્ક અને પછી પેરિસ જશે.
જર્મની અને ડેનમાર્કમાં એક-એક રાત વિતાવશે મોદી
સૂત્રોએ જણાવ્યું હતું કે મોદી જર્મની અને ડેનમાર્કમાં એક-એક રાત વિતાવશે.તેમની આ મુલાકાત એવા સમયે થશે જ્યારે યુક્રેન સંકટ ચાલુ છે અને રશિયાની કાર્યવાહીએ લગભગ સમગ્ર યુરોપને તેની સામે એક કરી દીધું છે. પીએમ મોદીની આ મુલાકાત અને બેઠકોને ખૂબ જ મહત્વપૂર્ણ માનવામાં આવે છે.
ભારત મજબૂત અર્થવ્યવસ્થા તરફ આગળ વધી રહ્યું છે-મોદી
મોદીએ શુક્રવારે કહ્યું કે ભારત મજબૂત અર્થવ્યવસ્થા તરફ આગળ વધી રહ્યું છે અને 2030 સુધીમાં દેશમાં સેમી કંડકટરોનો વપરાશ 110 અબજ ડોલરને પાર થવાની સંભાવના છે. તે વિશ્વની સૌથી ઝડપથી વિકસતી સ્ટાર્ટ-અપ 'ઇકો-સિસ્ટમ' છે. તેમણે કહ્યું હતું કે, ભારત આગામી ટેકનોલોજી ક્રાંતિનું નેતૃત્વ કરવા તૈયાર છે અને અન્ય બાબતોની સાથે 5જીમાં ક્ષમતાઓ વિકસાવવા માટે રોકાણ કરવામાં આવી રહ્યું છે.
