- ચેસ વર્લ્ડ કપની ફાઈનલની બીજી ગેમ પણ ડ્રોમાં પરિણામી
- આર પ્રજ્ઞાનાનંદા અને મેગ્નસ કાર્લસન વચ્ચેની બીજી મેચ પણ ડ્રો થઈ
- આવતીકાલે રમાનારી ટાઈબ્રેકરમાં આ વર્લ્ડ કપનો વિજેતા નક્કી થશે
ભારતના ગ્રાન્ડ માસ્ટર આર પ્રજ્ઞાનાનંદા અને મેગ્નસ કાર્લસન વચ્ચે રમાયેલી ચેસ વર્લ્ડ કપની ફાઈનલની બીજી ગેમ પણ ડ્રોમાં સમાપ્ત થઈ હતી. આ પહેલા મંગળવારે પ્રથમ ગેમ પણ ડ્રોમાં સમાપ્ત થઈ હતી. વ્હાઇટ પીસ સાથે રમતા કાર્લસન અને બ્લેક પીસ સાથે રમતા પ્રજ્ઞાનાનંદા જોરદાર લડત આપી અને બંનેએ અંતે ડ્રો રમ્યો. હવે આવતીકાલે રમાનારી ટાઈબ્રેકરમાં આ વર્લ્ડ કપનો વિજેતા નક્કી થશે. 18 વર્ષીય પ્રજ્ઞાનાનંદાએ વિશ્વના નંબર-1 ખેલાડી કાર્લસન સામે જોરદાર લડત આપી અને તેને ડ્રો રમવા માટે મજબૂર કર્યો.વર્લ્ડ કપની ફાઇનલમાં બે ક્લાસિકલ ગેમ છે અને જ્યારે તે બંને ડ્રો થાય છે ત્યારે ટાઈબ્રેકથી વિજેતા નક્કી થાય છે. 30 ચાલ પછી બંને ડ્રો રમવા સંમત થયા. આ ખેલ લગભગ દોઢ કલાક સુધી ચાલ્યો હતો.
કાર્લસને પહેલી ગેમ બાદ કહ્યું હતું કે તેને ફૂડ પોઈઝનિંગની સમસ્યા હતી
કાર્લસને પહેલી ગેમ બાદ કહ્યું હતું કે તેને ફૂડ પોઈઝનિંગની સમસ્યા હતી અને તેના કારણે તે બીજા રાઉન્ડમાં પણ પરેશાન દેખાઈ રહ્યો હતો. આ કારણે તે આ ગેમમાં ડ્રો માટે રમ્યો હતો. હવે કાર્લસન ત્રીજી ગેમમાં સંપૂર્ણપણે તાજગી સાથે પરત ફરશે. આ સાથે જ પ્રજ્ઞાનંદ પણ ફરી એકવાર કાર્લસનને હરાવવાનો પ્રયાસ કરશે. આ પહેલા પણ પ્રજ્ઞાનાનંદાએ કાર્લસનને હરાવી ચૂક્યો છે. પ્રથમ ગેમ ચાર કલાકથી વધુ સમય સુધી ચાલી હતી. આ પછી કાર્લસને કહ્યું કે તે કોઈ મુશ્કેલીમાં છે.
પ્રજ્ઞાનાનંદાએ ઈતિહાસ રચ્યો
પ્રજ્ઞાનાનંદાએ ફાઇનલમાં પહોંચીને ઇતિહાસ રચ્યો છે. વર્લ્ડ કપની ફાઇનલમાં પહોંચનાર તે ભારતનો બીજો ખેલાડી છે. તેમના પહેલા વિશ્વનાથ આનંદ આ ટૂર્નામેન્ટની ફાઇનલમાં પહોંચ્યા હતા. તેમના પછી પ્રજ્ઞાનાનંદાએ આ પદ પ્રાપ્ત કર્યું. સેમી ફાઇનલમાં પ્રજ્ઞાનાનંદાએ ફાબિઆનો કેરુઇનાને 3.5-2.5થી પરાજય આપીને ફાઇનલમાં જગ્યા બનાવી.
